لبى العيون – عبدالله ال فروان

حالي بعد صافح كفوف الموادع نحل
والحب يحتاج له بين الحبايب لقى

ازريت فالصبر والغالي لامنه رحل
مافيه شي سوا طيفه بفكري بقى

انت الحبيب الفريد اللي بوصله بحل
وانا عشقتك على عزة وصدق ونقاء

لبى العيون الوساع اللي زهاها الكحل
من سهمها اطيح طيحة شاجع ما اتقى

اي بالله اني احبك والحشاء لك محل
سقى زمان المواصل والمحبة سقى

والصبر من زود ماشفته كمل واضمحل
صارت حياتي كسيفة والضروف محقاء

والضيق غطا على صدر السعة واستحل
كن الحزن والمواجع فالضمير اصدقاء

وان مر طيفك ترى كل المعاني تحل
يدوم غاليك وانت تدوم وابك البقاء

وانت على قولة العارف خلية نحل
في وصلك اروق وان قفيت ذقت الشقاء

0

كلمات: مهدي ابن عاصم

ألحان: غريب ال مخلص

2020