الحزن في صوتك – خالد الفيصل

الحزن في صوتك ازعج ساكني … لين صار الكون من حولي حزين

غصب عني حزن صوتك هاجني … لين خلّى عاصي المعنى يلين

وامتثل حرف القصيد وعادني … وانسكب شعرك على حزني حنين

شلت انا صوتك وحزنك شالني … اكتم الصرخه وينساب الأنين

شفت حزنك كيف حزنك شافني … كيف داهم خلوتي في لحظتين

طير انا مثلك زماني ضامني … جرحتني مثلك سيوف السنين

صابك اللي من زماني صابني … في معاليق الحشا جرحه دفين

كلّما ودعت هم زارني … من عذاب الوجد بياح الكنين

الفرح عقب الصداقه هابني … خافت البسمه على وجهي تبين

طير ياللي صوت حزنك صابني … الله اللي ينتصر للصابرين

0