الا يا هاجسي – الشيلات

ألا ياهاجسي هبت هبوبك مع هبوب النود
هات الجزال اللي لا سمعه الناقد ما ينتقد

دعيتها للي دعاني ثم جت يمي ورود
ينصت لها السامع من الشاعر ليا منه قصد

وان زاحلت عالت مكاب الخيل وارقبها سنود
تملك سلالات الذهب تقدم ولاتحسب لاحد

اعرض بشعل ما ينافسها من الذيدان ذود
على اسمها واللي ينافسها على الجره قعد

جت مرعبات الخصم في الميدان واللجنة شهود
يوم اقبلت تقول ضباط لقادات استعد

وخشومها ما كنها الا سلة السيف محدود
وخدودها ولحيها في غيرها ما تنوجد

جود الركاب طوالها ثلاثة امتار و زود
والروس روس فحول يزهاها الجمال المنفرد

الحاكمه في وسطها والعود في عين الحسود
الخصم لا من شافها دمه بشريانه جمد

ياللي تبون الفوز قدام وترى الدعوه صمود
جتكم مخيبة المنافس لو تحيزم واجتهد

يا اهل المداحم والشعر لاحك عود راس عود
كلا يحسب حسابه ويقدم ليا حان الوعد

جتكم مهيبة الخصم جتكم مفطرة التسبود
وسط المداحم خصمها اما انسحب ولا ابتعد

ياللي تعاندها تقدم والوعد خلف النفود
المركز الاول لها لو كان زادوا في العدد

انتم سلايل محتمين النوق من عصر الجدود
من طيبهم قاموا يتلون البناخي والولد

يا لابة لا ثارت الهيجاء ترد ام القعود
برقا وروق اللي يعاديهم من الذل يخمد

واليوم في حكم السعودية وحكم آل السعود
اللي يحكمون البلد واللي يصونون البلد

التعليقات 6
29/09/2015 pm 12:38

حلوة شيلة

admin
06/09/2015 pm 10:52

تعليق بواسطة موري المزيني:
ألا ياهاجسي هبت هبوبك مع هبوب النود *** هات الجزال اللي لا سمعه الناقد ما ينتقد
دعيتها للي دعاني ثم جت يمي ورود ***ينصت لها السامع من الشاعر ليا منه قصد
وان زاحلت هالت مكاب الخيل وارقبها سنود ***تملك سلالات الذهب تقدم ولاتحسب لاحد
اعرض بشعل ما ينافسها من الذيدان ذود ***على اسمها واللي ينافسها على الجره قعد
جت مرعبات الخصم في الميدان واللجنة شهود ***يوم اقبلت تقول ضباط لقادات استعد
وخشومها ما كنها الا سلة السيف محدود ***وخدودها ولحيها في غيرها ما تنوجد
جود الركاب طوالها ثلاثة امتار و زود ***والروس روس فحول يزهاها الجمال المنفرد
الحاكمه في وسطها والعود في عين الحسود***الخصم لا من شافها دمه بشريانه جمد
ياللي تبون الفوز قدام وترى الدعوه صمود***جتكم مخيبة المنافس لو تحيزم واجتهد
يا اهل المداحم والشعر لاحك عود راس عود ***كلا يحسب حسابه ويقدم ليا حان الوعد
جتكم مهيبة الخصم جتكم مفطرة التسبود***وسط المداحم خصمها اما انسحب ولا ابتعد
ياللي تعاندها تقدم والوعد خلف النفود***المركز الاول لها لو كان زادوا في العدد
انتم سلايل محتمين النوق من عصر الجدود***من طيبهم قاموا يتلون البناخي والولد
يا لابة لا ثارت الهيجاء ترد ام القعود ***برقا وروق اللي يعاديهم من الذل يخمد
واليوم في حكم السعودية وحكم آل السعود *** اللي يحكمون البلد واللي يصونون البلد

اعتقد جابها المزيني!:) مبروك الطيارة.
شكرا

admin
18/08/2015 am 04:12

عبدالله انت تتكلم وين؟ البيت الثالث في بدايته في كلام مو مفهوم بعدين يقول “بالخيل وارقبها سنود” اذا عرفت وشهو اتصل على صفر ثلاث خمسات وتفوز بطيارة 😎

12/08/2015 am 10:39

ممكن؟ الجرة ؟

12/08/2015 am 10:34

عرفت وين مكان النجوم الي هي جمال منفرد.

admin
17/06/2015 pm 02:12

اللي يحل الالغاز اللي مكان النجوم ** له طيارة هدية XD