امنيه – أصالة

والله اني ما اتمنى في حياتي الا شئ
اني املك كل هالدنيا بيديٌ

ما اسمعك في يوم تنطق
كان ودي قبل لا تحلم احقق

قبل لا تحكي اقول
قبل تشكي همومك لك اجي كلي حلول

وليت كل هالكون بايدي لاجل احقق ما تبي
ادري انه امنياتي هي مجرد امنيات
لوني املكها حياتي كنت ابا اهديك الحياة

بس اشوف الابتسامة ما تفارق دنيتك
يللي كل ايامي تضحك لما المح بسمتك

وليت كل هالكون بايدي لاجل احقق ما تبي
انت يا عزي وذلي واجمل اجمل ما حصللي
ويش اقدملك سواي

وارمي ايامي تحت اطهر خطى
يللي كل ايام عمري قبل ما احبك خطا

اي قهر والله قهر اني ما اقدر حتى اقدر
اوصل حدود السما لاجل اهديلك قمر
ودي ودي والله ودي بس ما في ايديني شئ

طلبتك – أصالة

طلبتك لاتحاكيني عن احبابك ولا ذكراك
ولا ودي تعلمني عن الماضي ولا ادري

انا ما همني الماضي ولا ايامه قبل ما القاك
انا عندي بديتنا بداية عمرك و عمري

اخيراً جيت يا وجهٍ مضى عمري و انا استناك
وجيت بصورة فاقت خيالي وحلمي العذري

حبيبي خلنا نبدا حكايتنا انا وياك
قبل ما الوقت يسرقنا و لحظات الهوى تسري

انا ابغى حبنا راقي يودينا بعيد هناك
لدنيا ما بها فرقا ولا كذبا ولا غدري

اذا على الوصل انا اعاهد وربي ما بيوم اجفاك
لخجل بالعطى غيري وجازي صبرك وصبري

انا طمعان بوصالك وشاري بدنيتي دنياك
وحكم الحب في يدينك تبيع احساسي او تشري

اذا شاري سنين العمر يا عمري الهوى يفداك
واذا انك بعت لا تنطق ابعرف عندها قدري

شموخ عزي – أصالة

من يقول أنك تحب من يقول من يقول أنك وفيت
كل هذا كان لعب يا ما خذت ولا عطيت
كافي ماجا منك كافي بان لي ماكان خافي
كنت أظن الحب وافي واثر حبك خساره

كم تناسينا خطاك مايهمك ويش يصير
بعت قلبي اللي عطاك صدق ما عندك ضمير
غلطتي أرخصت نفسي يوم أضويتك بشمسي
بكره ما هو مثل أمسي قلبي وتغير مساره

كان قلبي فى أيديك ضامنه لا ما يخون
لا ولا بحلمك أجيك هذا فى حكم الجنون
أذكرك ياللي أنت ناسي وأوقف بوجهك يا قاسي
شموخ عزي واحساسي يسوى كوني ومداري

كنت اظن – راشد الفارس

كنت اظن اني حبيبك .. واني لا من غبت توله
واني في الدنيا نصيبك .. واللي عيوني بكوله

مادريت ان الليالي .. غيرت قلبك علينا
ماخطر لحظه في بالي .. تنسى كل اللي عطينا

روح روح الله حسيبك .. وانا في حالك بسيبك
بس لا يخطر في بالك .. اني ارجع لك واجيلك

منك تكفيني جروحي .. انكساراتي ونوحي
انت وش تبغى بروحي .. روح لا ترجع لي ثاني

لو حلفت انك تبيني .. وميت وهيمان فيني
باعتبرها الف كذبه .. طحت من قلبي وعيني

انتهى حبك وحبي .. وافترق دربك ودربي
ياخساره ياخساره .. انه حبك يوم قلبي

عزاه – راشد الفارس

عزاه ياقلبي من الهم عزاه .. من يواسي دمعتي قال خيره
وشلون خيره بعد فرقاه .. لا تقولوا خيره خيبه كبيرة

ياللي تواسيني كلامك حفظناه .. انا ابي منك خدمتينٍ صغيرة
ودي تروح تبلغه شي معناه .. اللي يحبك يبغى كلمة اخيرة

إن كان يبغاني فهذا اللي ابغاه .. وان ما قبل قله خساره كبيره
بكره الندامه والحسايف توٌلاه .. يندم وانا عارف الندامه مريره

ان جاء يبي قربي فلا ظن ابجفاه .. انا ضميري يختلف عن ضميرة
انا اشهد انه حد قلبي على اقصاه .. وإلا خفوقي ماهو كلٍ يسيره

زينة الدنيا – راشد الفارس

يا زينة الدنيا ويا زينها فيك
قلبي صفالك وانت قلبك صفالي

فعيونك اسهر واحتفل بك واناجيك
يطرب لك الخافق ويرتاح بالي

يا زينة الدنيا ويا زينها فيك
قلبي صفالك وانت قلبك صفالي

توه زماني يبتسم يوم الاقيك
في ليلة ما مثلها من ليالي

كلي على بعضي يحبك ويغليك
وانته من اول بين هالناس غالي

يا زينة الدنيا ويا زينها فيك
قلبي صفالك وانت قلبك صفالي

لا ذا ولا هذا ولا ذي ولا ذيك
لا شفت زولك اشرب المر حالي

تبي الصراحه مابه احد يساويك
يا نجمة الليله باكر وتالي

يا زينة الدنيا ويا زينها فيك
قلبي صفالك وانت قلبك صفالي

تحداني – راشد الفارس

تحداني على البعد وتحديته
تذكرني وانا كله تناسيته
نسيت اسمه ولا اذكر يوم حبيته
يحسب اني الا من غاب افكر به

قدرت اني ابكي عينه وقلبه
وهو مجنون لو فكر انا احبه
لاني عارف وشلون طبعه
على نار يولع قلبي ويشبه

يبيني بس على كيفه ويآمرني
يبي قلبي غصب في الحب يجبرني
شموخي فوق ما يقدر يغيرني
بعيد عنه دربي ما يجي دربه

تحداني على البعد وتحديته
تذكرني وانا كله تناسيته
نسيت اسمه ولا اذكر يوم حبيته
يحسب اني الا من غاب افكر به

المودماني – راشد الفارس

والبارحه نوم العرب ماهناني
لا نمت ساعه من حلا النوم فزيت
مايذبح الا حب ذا المودماني
وانا اشهد انه طيب اكثر ووصيت

الموت والله الموت كانه نساني
وانا حياتي والعمر لاجله اعطيت
هذا الزمن طول الدهر شقلباني
ياما وياما من سنينه تشقويت

ويا زين جلستنا بذاك المكاني
اي والله اللي روح العمر ماشفيت
مسرور يوم الله بحبه بلاني
بعض البلاوي صيتها يرفع الصيت

الدريا – راشد الفارس

ياحبيبيا .. عليش لا مابغيتش قلبي .. يا حبيبيا
شكون بس ليا .. بعد ماصخيت انت بحبي .. شكون بس ليا

شكون غالي
اللي ديالي .. شكون بعدك يا غزالي

باغي نعرف وين مشيتي .. ونسيتي دابا سميتي
للاا كيفاش نسيتي .. عليش يا يا حبيبيا

آالدريه .. هاااالدريه
تصطيت اتلف حالي وعقلي .. آالدريه

آ الدريه
وبلاني الله فيك مبلي .. آ الدريه

شكون غالي
اللي ديالي .. شكون بعدك يا غزالي

ما اصخيتي تكوني قريبه .. وقدرتي هذي الغيبه
وبقا بي الحال حبيبة .. عليش يا يا حبيبيا

نار لي فيا .. واعييت نهار ليل نبكي .. نار لي فيا
نار لي فيا .. مابغيتش غير ليك نشكي .. نار لي فيا

شكون غالي
اللي ديالي .. شكون بعدك .. يا غزالي

باغي نعرف ليكي شدرنا .. وبزاف عليكي صبرنا
للاا غيرك ما اخترنا .. عليش يا يا حبيبيا

الجديد – راشد الفارس

الجديد ان الهموم اكثر من اول
والسعاده طيف يذوي كل يوم

الجديد انه خفوقي ماتحول
حامل وده ولا عنده خصوم
الجديد .. الجديد

الجديد ان الحزن في العين حول
والفرح في نظرتي صار امهزوم

الجديد ان الصبر طول وطول
والحياة اجهاد والدنيا عزوم

الجديد ان الصديق اللي تقوّل
ماصدمني مير مالي به لزوم

صاحبي من حر مابي لا تهول
المطر له ساعةٍ عقب الغيوم

صاحبي مبطي شعورٍي ماتجول
في شجون الوقت ماليه الوجوم

صاحبي ماعاد ظرفي مثل الاول
لومني مانت الوحيد اللي يلوم

z