يعني تحسبين – عبدالمجيد عبدالله

يعني تحسبين اكبر همي انت

لا والذي سواك غيـــرك زيون

ماني قليّل شر ويمكن فطنتي

ومن يخطي بوحده اردّه بمليون

وان سألوا ربعك علامك ذبلتي

قوليلهم من حب ذا اللي تشوفون

ياصلك حكيٍ وانت له استجبتي

ما تشوفين اللي بالقلب مكنون

ترى العقل نعمه وذا عيبك انتي

غزالةٍ تسرح على وين ما يكون

ما عـد عندي إلا ما سمعتي

ولو تصبرين شوي يمكن يزيدون

يا عديم الشوق – عبدالمجيد عبدالله

ياعديم الشوق بعدي فيك ما أثر

لو أغيب العمر كل العمر او أكثر

دنيتي قربك هواك كان عنواني

خذتني مني معاك وقلت إنساني

كيف انسى وانت ساكن وسط وجداني

 

مايجيك اللي يجيني لا عبر طيفك

اختلف ما احس فيني القاي ناديتك

اقترب مني تـعال رد لي روحي

شوف غرس الحب طال من سبب نوحي

توصل جذوره جذور الارض بجروحي

 

يسألوني الناس وينك وأحبس الدمعه

ليه مـبعـد عنك والأحباب مجتمعه

إذبحـوني بالسؤال هزوا ثبوتي

صوتها هــد الجبال صـرخه سكوتي

إبـتسـم مــارد أهــون علي موتي

يا حبيب الروح – عبدالمجيد عبدالله

يا حبيب الرّوح من غيرك أحبه … من هو يستاهل في قلبي يعيش دايم

إنت وحدك حاكم إحساسي محبّه … إنت وحدك لي وأنا اللّي فيك هايم

إسمك اللي لو نطقته فيه رهبه … يكفي يا حبي تحمّلت الظلايم

صرت أنا والهم والآلام صحبه … لأنّي صاحي ياحبيبي ولأني نايم

نظرتك لو هي عتب في القلب عذبه … ويا حلاتك لو تجي ياروحي لايم

الحياة من غير قربك حيل صعبه … خلني في بحر حبك دوم عايم

 

يا اكحل العين – عبدالمجيد عبدالله

يا أكحل العين لا تبطي عنّا 

فناظرك ويل وفـ قلبي ونه 

شوقي لك لا طرى لي وعنّا 

ياخذ القلب دنّه على دنّه 

 

يمشي في حاله عذره جماله 

هذا لحاله قلبي حلاله 

بسأل نجوم ليلي في وصوفه 

هو القمر فوق وإلاّ اللّي أشوفه 

القمر غاب وأدري وش ظروفه 

يوم شافه تعذر في خسوفه 

 

مسكين جيله ماله وسيله 

إلاّ كلام وحيله قليله 

ياسما نجد غني وتهني

دامه الزين برضيك تمني 

ليت يانجد ظنك على ظني 

وتخبرينه لا يبطي عني

لين شافوني – عبدالمجيد عبدالله

لين شافوني سكتو ما يتمون الكلام اللي قبل ما أوصل بدوه 

الأكيد إنه علينا وعن نهايتنا الحزينة يحسبون إنا انتهينا مادروا 

يحسبون إنا انتهينا مادروا 

يوم نتوادع تبادلنا القلوب قبل تفريق الموالي والدروب 

كل منا لانبض قلبه يذوب كل منا لانبض قلبه يذوب 

ابعدونا قربونا ماقصدوا يحسبون إنا انتهينا مادروا 

 

كنت قدامي وبعيوني أراك صرت أغمضها وألقاني معاك 

إنت يادايم هنا وإنت هناك إنت يادايم هنا وإنت هناك 

ابعدونا قربونا ماقصدوا يحسبون إنا انتهينا مادروا 

 

ما تغير شيء غير الحب زاد لهفة العشاق قايدها البعاد 

توصلك لوبيني وبينك بلاد توصلك لوبيني وبينك بلاد 

ابعدونا قربونا ماقصدوا يحسبون إنا انتهينا مادروا

الحب الجديد – عبدالمجيد عبدالله

إيش جابك من بلادك لا بلادي

إيش اللي خلاّك تسكن في فؤادي

حسّ شي في مهجتي لك غيرعادي

كلّ ما أشوفك يزيد يا ذا الحب الجديد

يعتصر قلبي وياخذ ما يُريد

يا ذا الحب الجديد

كنت وحدي منعِزل في وسط وادي

جيتني بالحب من قلبك ينادي

هزّني صوتك عظيم السحرشادي

جنّ عقلي بالنشيد يا ذا الحب الجديد

يعتصر قلبي وياخذ ما يُريد

يا ذا الحب الجديد

عاتبوني فيك و زادوني ملامه

كلّ واحد يسأل الثاني علامه

كِن حبّك طير وإحساسي حمامه

سلّمتلك يا عنيد يا ذا الحب الجديد

يعتصر قلبي وياخذ ما يُريد

يا ذا الحب الجديد

ضحكنا لبعض ياما – خالد عبدالرحمن

ضحكنا لبعض ياما .. حكينا لبعض ياما

عيوني كانت تبتسم .. والدمعة أبكيها خفا

ما احنا سوى بهذا الهوى .. مرتاح وأنا اللي شقي

خلها على الله على الله

لا تقول إنك عطيت .. يا كثر مني خذيت

وقتك ترى القلب مله

خطوة ندم لك مشيت .. واعلم تراك انتهيت

شوقك من القلب شله

وابدأ تراني بديت .. عنك بغيرك سليت

شمر – خالد عبدالرحمن

الشمـس غابـت وكـل ٍ دوّر سراجـه

والشوق جمّر محـرّ الشـوق لاجمّـر

دام اتجاهـك شمـال مودعـك حاجـه

سلّم على حايـل وسلّـم علـى شمّـر

قدامك الخافـق اللـي ينشـد علاجـه

كنـه معلّـق علـى بـرزان ومسمّـر

وانت تعرف يا بعد حي مـن تواجـه

بيضان الافعـال لامـن الزمـن سمّـر

ان ضاقوا أعنف من البحـر وامواجـه

وان راقو اركد من الخرمـان لا عمّـر

كم صيت بيت ٍ عتق في الباب مزالجـه

وكم شيخ امـاره قبـل تعينـه مومـر

وكـم حاتمـي ٍ تكفـيّ فلّـة احجاجـه

وش لون للضيف لو عن ساعده شمّر ؟

وان مـر تاريخهـم متلبـس ٍ تـاجـه

كم عاشق ٍ كيّف وكـم حاسـد ٍ زمّـر

في جو ٍ اغلى على الرجلي الى داجـه

من ديرة السادس ومـن ديـرة معمّـر

كنّـه الا اهـدى لـه البـراق فجاجـه

خلت غرير ٍ ضحك ومن الخجـل حمّـر

توارثـو حرثـه وتمتـيـر ديبـاجـه

ركابـة الجيـب مـن ركابـة الضمّـر

الودّ لا غرس بدري صعـب مخراجـه

والله ولا الـذّ واحلـى منـه لا ثـمّـر

ادخل على اللي تطوف البيـت حجاجـه

من ناقص ٍ عند مـدح الغيـر يتذمّـر

والمدح لو كان في الرديـان للصاجـه

ويقال عمّـر بلـد بالعـون مـا عمّـر

والـذّم لـو زاد فـي الطيـب تولاجـه

لا احرق ولا اغرق ولا عمّر ولا دمّـر

ماني بمتحسب بشعـري علـى حاجـه

الا اني اروح مـا غنيـت فـي شمّـر

الشمـس غابـت وكـل ٍ دوّر سراجـه

والشوق جمّر محـرّ الشـوق لاجمّـر

دام اتجاهـك شمـال مودعـك حاجـه

سلّم على حايـل وسلّـم علـى شمّـر

ساعة زمن – خالد عبدالرحمن

ساعة زمن مرت وفيها انتهينا

وجيهنا اختفت كل الحقايق

انتم ضحكتم واحنا فيها بكينا

شاء القدر بعد ما كنا رفايق

مدري السبب أنا .. وإلا انتوا السبب

أو عذول أغرانا .. أو فراقنا انكتب

من حبكم ذقنا ولا ارتوينا

غريبة ما كنا مثل هالخلايق

فيما مضى كنا لبعض عنينا

ونظرتي للأمل شمعة شرايق ..

الشوق ألهانا .. ولا علي عتب

والحظ ودانا .. وكل من فينا اغترب ..

تبكيك عيني يا الذي ما تجينا

و رموش عيني من دموعي غرايق

ترى مدى النسيان به ما قوينا

شبت بجوفي من فرقاكم حرايق

بالله حسبانا .. على الذي انسحب

يا دنيا عطشانة .. من فينا منك هرب

سارت – خالد عبدالرحمن

سارت و انا عيني تراقب خطاها

خطوه تسوق الخطوه بهون وركود

يوم حضرت غاب القمر من سماها

واللي بقى من نجومها ب قل ّ معدود

زين الوصايف والحسن اكتساها

شقرا وفيها من الحلا ماله حدود

لاعتني بنظره وبعد ما كفاها

حطت بجوفي من الجمر شوق موقود

شامه تعلّى ثغرها من حلاها

تظفي على نور الحسن نور مردود

صابتني بداها ونفسي دواها

من العيون السود دواي منشود

اهاوده قلب انشغف في هواها

متحمله صار الصبر منه مفقود

عزاه نفسي صابها ما طواها

طي الورق رطبٍ مقطوف من عود

حق الله اعلم بالحشا وش غلاها

تضحك لها عيني ولو كنت مزهود

الناس ما تدري بروحي وخفاها

يكفي اجنّب نفسي عن كل منقود

z