لعيون ساره – محمد عبده

لعيون ساره تشرق الشمس وتغيب
نبض الحياة بخافقي من نظرها
بنت القصيد اخت النجوم المراقيب
وجه السنين المقبلات وقمرها

كن اسمها عطر القلم والمكاتيب
لامن بدت فيه القصايد شهرها
من بعدها مالي جروح ٍ معاطيب
من بعدها عيني هجرها سهرها

هذا غلاها له بالاعماق تجليب
انشد وتلقى بالمحاني خبرها
هي مطلبي لاجيت اعد المطاليب
هي بسمة ايامي وعالي قدرها

بنت الرجال اللي بهم يفخر الطيب
افعالهم حبر القلم ماحصرها
مادامها تشرق على القلب وتغيب
معذور لو قلبي وروحي مهرها

كفاك غرور – عبادي الجوهر

كفاك غرور
صحيح أن السحاب أنتي
وأعشاب الربيع أنتي
وأجمل من على هذا التراب أنتي

وفعز الليل لو بنتي يطير
الصبح من كف الربى عصفور
ولكن هالليالي تدور
كفاك غرور

سقاني صوتك البارح مرار الجرح والترحال
صحيح أن البحر مالح ولكن العطش قتال

سالتك عن ضماي أمطار
سالت عن هواي أخبار
سالك بكلمتين أعذار

ولكن ما تعذرتي
وحقك لو تكبرتي

أنا دمع وحنين وهمس
وقلب يخفق بصدري
ومدري من حبيب الشمس
ولا ودي بعد أدري

يكفيني دفاء أنسان
يشاركني فرح وأحزان
ونورك في السماء لو بان

أشوفه مثل كل الناس
وأحبه مثل كل الناس

قالت نصيب – عبادي الجوهر

قالت نصيب و قلت يومك تبيني
غصب ٍ على الدنيا يدك في يديني

لا تظلمين الوقت وش ذنب الأيام
لا تظلمين الحظ لا تظلميني

غديت مابين الرجا فيك واليأس
هذا يبي مني وهذا يبيني

إن قلت شمت وخاطري طاب كذاب
وان قالت أبيك ارخصت نفسي بعيني

خيرني أمري بين أصعب خيارين
موتي أنا أو موت الحساس فيني

لكن زماني المر علمني أني
أموت محني لجل قلبي جبيني

والله ما تلقين حبي مع الناس
روحي وها لأيام بينك وبيني

تجي منك – عبادي الجوهر

تجي منك تجي مني.. لازم حبيبي نفترق
تجي منك تجي مني.. بأي الطرق بأي الطرق
قول ما ابيك .. كرهني فيك
لازم حبيبي .. حبيبي
لازم حبيبي نفترق

انت رقيق العاطفة.. وانا السيول الجارفة
ياصاحب القلب الحنون..
انت السكون .. وانا هبوب العاصفة
قول ما ابيك .. كرهني فيك
لازم حبيبي .. حبيبي
لازم حبيبي نفترق

ابسألك ..!
بعد اللي صار استاهلك؟!
لا .. لا
عذر ما عندي عذر
غير العفو ما امتلك
ويحق لك
قول ما ابيك .. كرهني فيك
لازم حبيبي .. حبيبي
لازم حبيبي نفترق

الايام – عبادي الجوهر

الله يحفظك من صواديف الايام … والله يهنيك بحياة سعيده
انا غرقت ببحر حبك والاوهام … وأنا تحت امرك على ماتريده

ياما بليلي شفت زولك بالاحلام … وياما شكيت من اليالي العنيده
وياماحسبت النجم والناس نيّام … وكم صفحة ٍ سجلت فيها قصيده

ارحم تجمل في مريض ٍ من العام … يشكي من اسبابك ولا من يفيده
لو كان لاهل الحب عاذل ولوام … من لامني في حب مثلك بكيده

ابنسحب – عبادي الجوهر

ابنسحب في صمت ماستحمل وداع
واقطع حبال الوصل بينك وبيني
اكيد قصة حبنا كانت خداع
وكل المشاعر زايفه صدقيني

لاانتي تغيرتي ولا خافقي ضاع
ولا غرورك ساعدك تفهميني
واليوم افارق وادري القلب ملتاع
ودي اجاري بس ماهو بيديني

ماضيك في قلبي بحر وسطه شراع
ذكراه تبحر بين قلبي وعيني
فيك الوفا نادر معاك العمر ضاع
ياكيف اعوض مامضى من سنيني

ابنسحب في صمت ماستحمل وداع
واقطع حبال الوصل بينك وبيني
اكيد قصة حبنا كانت اخداع
وكل المشاعر زايفه صدقيني

للحب معنى – طلال سلامة

للحب معنى يعرفونه المحبين وإنت حبيبي تجهل الحب ومعناه
مافي المحبه هذا زين وذا شين وإللي يحب يصبر على المر ويرضاه

قاصر عن علوم الهوى وكامل الزين ليتك تحس بشوقي وبعيني تقراه
نومي نساني شهور يا غافي العين أصرخ بأه وداخل القلب كم أه

قربي وبعدي عنك يا سيدي أمرين الحلو فيهم مر يا ويلي ويلاه
قلبك تحجر وأنا مخلوق من طين أنسى لك الشينه وطيبي تتناساه

قلبي يبيك – طلال سلامة

الله الله عليك يا ماخذ كل فكري
بالحيل ودي أجيك يا حياتي ويا عمري
إنت قلبي يبيك وإنت والله وتدري

يا عسانا عسى قادرين الظروف
وقتنا لو قسى ما يجي منه خوف
حبنا ما إنسى يا حسين الوصوف

يا هلا بك يا هلا جيت يا مسهلا
الخجل إهمله دام بالقلب تدري
بالغلا مشتريك يا نهاري وفجري

قدرت تغيب – طلال سلامة

قدرت تغيب وتنسى إللي كان
وعشرة زمان قدرت تغيب
وتشمت فيني الناس وتجرحني بإخلاص
فيني وفي حبي تعيب وتخون أجمل إحساس

يا ورد بيدي بروحي زرعته
وعشت لاجله عمري إللي عشته
من كان يصدق إنك تخون
تخون وحبي عليك يهون
تفرح وأنا مجروح عني تصد وتروح
وكأني شي وكان وتصب في جرحي جروح

حب جديد – طلال سلامة

حب جديد وحكاية عشق مجنونه الله يحيي يا حب لفى توه
حب لكله وحب بس لعيونه حب بأقصى خفوقي بس له هوه

إيه إسمعي يا شجون الروح ممنونه جاني رقيق المشاعر ناوي الخوه
جاني حبيبي عمري فرحت غصونه ربيعها يوم سال السيل نوه

يوم إنهمر لي حنانه بأعذب لحونه قلت الله الله صفى جوي على جوه
ما به خبايا مافي اسرار مكنونه دامه حبيبي ليالي العمر محلوه

والله لحبي لو حظي وقف دونه مافيه قوه تصد الحب بالقوه
بس إنتظر يا زمن لين أعلن المونه من بعدها إللي تسويه يا زمن سوه

z