دارت الأيام – أم كلثوم

ودارت الأيام
ومرت الأيام
ما بين بعاد وخصام
وقابلته نسيت إني خصمته

ونسيت الليل اللي سهرته
وسامحت عذاب قلبي وحيرته
ما اعرفش إزاي إزاي إزاي أنا كلمته
ما اقدرش على بعد حبيبي

أنا ليا مين أنا ليا مين إلا حبيبي
قابلني والأشواق في عنيه
سلم
سلم وخد ايدي في ايديه

وهمس لي قالي الحق عليه
نسيت ساعتها بعدنا ليه
فين دموع عيني اللي ما نامت ليالي
بابتسامه من عيونوا نسهالي

امر عذاب واحلى عذاب
عذاب الحب عذاب الحب للأحباب
ما اقدرتش اصبر يوم على بعده
ده الصبر عايز عايز صبر لوحده

ما اقدرش على بعد حبيبي
وصفولي الصبر
لقيته خيال وكلام في الحب
يا دوب يا دوب ينقال

واهرب من قلبي اروح على فين
ليالينا الحلوة في كل مكان
مليناها حب احنا الأثنين
وملينا الدنيا امل

امل وحنان
عيني عيني على العاشقين
حيارى مظلومين
عالصبر مش قادرين

ما اقدرتش اصبر يوم على بعده
ده الصبر عايز عايز صبر لوحده
ما اقدرش على بعد حبيبي
ودارت الأيام

ومرت الأيام
وهل الفجر بعد الهجر
بلونه الوردي بيصبح
ونور الصبح صحى الفرح

وقال للحب قوم نفرح
من فرحتي فرحتي تهت مع الفرحه
ما اقدرش على بعد حبيبي
من فرحتي فرحتي لا بنام ولا بصحى

ولقيتني معاك بعيش معاك
بعيش في ربيع ما فيش كده ما فيش كده
بين شوق ما ينتهيش
وشوق وشوق وشوق ثاني ابتدى

ما اقدرتش اصبر يوم على بعده
ده الصبر عايز عايز صبر لوحده
ما اقدرش على بعد حبيبي

اسأل روحك – أم كلثوم

إسأل روحك
إسأل قلبك
قبل ما تسأل إيه غيّرني
أنا غيّرني عذابي في حبك
بعد ما كان أملي مصبّرني
غدرك بيّ
أثّر فيّ
و اتغيّرت شوية شوية
اتغيّرت و مش بإيدية
و بديت أطوي حنيني إليك
و أكره ضعفي و صبري عليك
و اخترت ابعد
و عرفت أعند
حتى الهجر قدرت عليه
شو ف القسوة بتعمل إيه

كنت زمان بلاقيك بحناني
بحر محبة و بر أمان
كنت باحس ان انت زماني
يومي و بكرة و بعده كمان
كنت باشوفك بعيون حبي
و انت بعيد أو و انت بقربي
أقرب من بسمتي لشفايفي
أقرب من إحساسي لقلبي
بعد الود اللي راعيته لك
بعد الحب اللي وهبته لك
بعد العمر اللي انا عشته لك
فيه إيه تاني أقدمه لك؟
غدرك بيّ
أثّر فيّ
و اتغيّرت شوية شوية
اتغيّرت و مش بإيدية
و بديت أطوي حنيني إليك
و أكره ضعفي و صبري عليك
و اخترت ابعد
و عرفت أعند
حتى الهجر قدرت عليه
شو ف القسوة بتعمل إيه

أنا مانسيتش الحب و عهده
و لا أيامه ولا لياليه
أما ان كان ع الحب لوحده
من غير هجرك أهلا بيه
أنا حيّرني هواك
و أنا علشان انساك
بابعد عن كل مكان
رحته و لو مرة معاك
و اهرب من أقرب ناس
يعرفوا قصتي وياك
و باغيّر أي كلام
بيجيب سيرة لذكراك
وصلتني للحال ده بإيدك
بعد ما كانت روحي ف إيدك
سِبتك و مفيش حد في عمري
يشغل عنك قلبي و فكري
سِبتك من غير حتى ما أفكّر
حأقدر أسيبك أو مش حأقدر
غدرك بيّ
أثّر فيّ
و اتغيّرت شوية شوية
اتغيّرت و مش بإيدية
و بديت أطوي حنيني إليك
و أكره ضعفي و صبري عليك
و اخترت ابعد
و عرفت أعند
حتى الهجر قدرت عليه
شو ف القسوة بتعمل إيه

إسأل روحك
إسأل قلبك
قبل ده كله اتغيروا ليه
أنا غيرني عذابي ف حبك
لكن انت غيّرك إيه؟
هو حناني عليك قسّاك حتى عليّ؟
ولا رضايَ كمان خلاك تلعب بيّ؟
ولا تسامح روحي معاك غرّك بيّ؟
أنا يا حبيبي صحيح باتسامح
إلا ف عزة نفسي و حبي
و اما يفيض بي ما باعرف أصالح
و أعرف آجي كتير على قلبي
غدرك بيّ
أثّر فيّ
و اتغيّرت شوية شوية
اتغيّرت و مش بإيدية
و بديت أطوي حنيني إليك
و أكره ضعفي و صبري عليك
و اخترت أبعد و عرفت أعند
حتى الهجر قدرت عليه
و انت يا عيني
لو في مكاني يا عيني
كنت حتعمل غير كده إيه؟
إسأل روحك

z