رق الحبيب – أم كلثوم

رق الحبيب وواعدني يوم
وكان له مدة غايب عني
حرمت عيني الليل م النوم
لاجل النهار ما ييجي يطمني

صعب عليّا انام
احسن اشوف في المنام
غير اللي يتمناه قلبي
سهرت استناه
واسمع كلامي معاه
واشوف خياله قاعد جنبي

من كتر شوقي سبقت عمري
وشفت بكرة والوقت بدري
وايه يفيد الزمن
مع اللي عاش في الخيال
واللي في قلبه سكن
انعم عليه بالوصال

طلع عليّا النهار
سهران في نورالامل
وغنت الاطيار
لحن الهوى والغزل
وفضلت أفكر في معادي
واحسب لقربه الف حساب

وكان كلامي مع صحابي
عن المحبة والاحباب
من فرحتي بدي اتكلم
واقول حبيبي مواعدني
لكن أخاف لا يكون بينهم
مظلوم في حبه ويحسدني

هجرت كل خليل ليّا
وفضلت عايش مع روحي
أحسن يبان شيء في عينيّا
من كتر خوفي على روحي
ولما قرب معاد حبيبي
ورحت أقابله

هنيت فؤادي على نصيبي
من قرب وصله
ولقيتني طايل من الدنيا كل اللي اهواه
بس الي كان فاضل ليّا أسعد بلقاه

لما خطر ده على فكري حير امري
والقرب سبب تعذيبي
ولقيتني خايف على عمري لا يروح مني
من غير ما شوف حسن حبيبي

اهل الهوى – أم كلثوم

أهل الهوى يا ليل فاتوا مضاجعهم
واتجمعوا يا ليل صحبه وأنا معهم
يطولوك يا ليل من اللي بيهم
وأنت يا ليل بس اللي عالم بيهم
فيهم كسير القلب
و المتألم واللي كتم شكواه
و لم يتكلم

واللي قعد بعد الحبايب وحده
وبات حزين بشكي هيامه ووجده
يشكوا ولا مخلوق سمع شكواهم
إلا الكواكب في السماء سمعاهم
يطولوك يا ليل بالسهد والأفكار
والشمس بعد الليل تطلع عليهم نار
وبعد طول الويل تطلع لهم يا ليل
ويقصروك يا ليل في صحبه هنيه
على وتر رنان للصبحية
فيهم يا ليل خل عطف خله
ويقول له لحن الشوق وخله يقول له
يا ليل … يا ليل … ياليل … ياليل

ويقصروك ياليل على هنا وسرور
والشمس بعد الليل تطلع عليهم نار نور
ويسألوك يا ليل أمتى تعود يا ليل

ناس من قلوبها تقول يا ليل
وناس على الأرغول تقول يا ليل
واحنا معانا بدر طالع في ليلة قدر
فيها حبيب القلب وافى و وافى النذر
هو يقول يا ليل واحنا نقول يا ليل
وكلنا بنقول يا ليل يا ليل

الاوله في الغرام – أم كلثوم

الأولة في الغرام والحب شبكوني
والثانية بالامتثال والصبر أمروني
والثالثة من غير معاد راحوا و فاتوني

الأولة في الغرام والحب شبكوني
بنظرة عين
والثانية بالامتثال والصبر أمروني
و أجيبه منين
والثالثة من غير معاد راحوا و فاتوني
قولوالي فين

الأولة في الغرام والحب شبكوني
بنظرة عين قادت لهيبي
والثانية بالامتثال والصبر أمروني
و أجيبه منين احتار طبيبي
والثالثة من غير معاد راحوا و فاتوني
قولوالي فين سافر حبيبي

سافر في يوم ما واعدني على الوصال و عاهدني
وكان وصاله وداع من بعد طول امتناع
حطيت على القلب ايدي وانا بودع وحيدي
وأقول يا عين اسعفيني وابكي وبالدمع جودي

من يوم ما سافر حبيبي وانا بداوي جروحي
اتاري في يوم وداعه ودعت قلبي و روحي
طالت عليّ الليالي وانت يا روحي انت
لا قلت لي فين مكانك ولا حترجع لي امتى

الأولة في الغرام و الحب شبكوني
بنظرة عين
و الثانية بالامتثال و الصبر أمروني
و أجيبه منين
و الثالثة من غير معاد راحوا و فاتوني
قولوالي فين

الأولة نار وقادت والسبب نظرة
والثانية ما طلت غير الصبر و الحسرة
والثالثة انا اللّي جرى لي عمره ما يجرى
سافر حبيبي

z