يادي النعيم – محمد عبدالوهاب

يا دي النعيم اللي انتَ فيه يا قلبي من بعد العذاب

كان لك حبيب تشتاق إليه وارتدّ لك بعد الغياب

كانت سحابة وراق الكون من بعد ما حجبِك عني

وكان خيالِك كلّه جنون في اللّي بدا لعينِك منّي

والجو راق وارتاح البال واتطّمن القلب الحيران

وسعدت الروح واتهنت بالقرب من بعد الهجران

يا دي النعيم اللي…

إنتِ اللي كنتِ السبب في الهجر ده والخصام

وكان صمودك عجب حرّم عيوني المنام

ده كان في قلبي من كُتر حبّي يميل إليك ويغير عليك

وليه تغيري والغيرة نار؟ عينيّ شافت وعقلي طار

صحيح تغيري عليّ؟ صحيح تغيري عليّ؟

خــذ الجواب من عينيّ إنتَ قاسيت من بعادي؟

إنـتِ ليالي فؤادي ودمـــتِ ليه ليه ليه

وفاكر إيه؟ فاكر وجودُه بين إيديكِ

وعينيّ بتكلّم عينيكِ تخلصي لي؟

مخلصة لك في غرامي عالدّوا

وتقولي لي عَ اللّي يضني القلب من نار الغرام؟

حَ قول لّك كلّ ما تألّف في حبي وانتَ ما تخبيش عليّ

يا روحي ده انتِ ساكنة جوّه قلبي

تعرفي إيه اللي فيَّ تعرفي إيه اللي بيَّ

يا روحي يا روحي

 

يا وابور قول لي – محمد عبدالوهاب

يا وابور قول لي رايح على فين

يا وابور قول لي وسافرت منين

يا وابور قول لي

عمال تجري قبلي وبحري

تنزل وادي تطلع كوبري

حوِد مره وبعدين دُغري

ما تقول يا وابور رايح على فين

صوتك يدوي وانت بتهوي

والبعد أليم ناره تكوي

والارض بساط وانت بتطوي

ما تقول يا وابور رايح على فين

يا وابور قول لي رايح على فين

يا وابور قول لي وسافرت منين

يا وابور قول لي

قربت غريب وبعدت قريب

وجمعت حبيب على شمل حبيب

والقرب نصيب والبعد نصيب

ما تقول يا وابور رايح علي فين

إن طال الوقت على الركاب

يجري كلامهم في سؤال وجواب

بعد شوية يبقوا احباب

وده يعرف ده رايح على فين

أنا رحت معاك ورجعت معاك 

وأنا إيه كان مقسوم لي وياك

دي كانت نظره من هنا لهناك

العين عرفت رايحين علي فين

يا وابور

عندما يأتي المساء – محمد عبدالوهاب

عندما يأتي المساء، ونجوم الليل تُنْثر

إسألوا لليل عن نجمي، متى نجميَ يظهر

عندما تبدو النجوم في السما، مثلَ اللآلئ

إسألوا هل من حبيبٍ، عنده علمٌ بحالي

كلُّ نجمٍ، راح في الليل يتنور

غيرَ قلبي، فهو ما زال، على الأفقِ محيَر

يا حبيبي، لك روحي، لك ما شئت وأكثر

إنَّ روحي، خير افق فيه أنوارك تظهر

كلَّما وجَّهتُ عيني نحو لمَّاح المحيَّا

لم أجد في الأفقِ نجماً واحداً يرنو إليَّ

هل تُرى يا ليل أحظى منكَ بالعطف عليَّ

فأغني وحبيبي، والمنى بين يديَّ

طال انتظاري – محمد عبدالوهاب

عبد الوهاب :

طال انتظاري لوحدي والبعد عنك أليم

وفضلت من كثر وجدي أسأل عليك النسيم

آدي القمر شاهد عليّ اسأليه عن طول عذابي

حيران أفكر في اللي بيّ من ظنوني واضطرابي

أقول لروحي : إيه جرى يا هل ترى؟

ما تكلميني يا نور عينيّ وحياة هوانا ردّي عليّ

ليلى مراد :

موش عارفة أقول لك إيه بعد اللي شفته في غرامي

كان العذاب دا ليه ما بين شكوكي وأوهامي

من يوم ما هويت وأنا بَغالب ضميري

ويا ريتني ما جيت وقدرت أكتم شعوري

عبد الوهاب :

ليه الندم؟ هو قلبي ناكر عهود الوداد؟

قولي لي إيه بس ذنبي لما نويت البعاد

تعالي بين أحضاني دا الحب هو الجاني

قولي لي خايفة ليه؟

ليلى مراد :

خايفة كلام الناس يفرق شملنا

خدعت أهلي ورضيت لقانا

وليه نخبي عنهم هوانا؟

عبد الوهاب :

أنا كنت مستني الأيام تفتح الورد المكنون

وكنت أقول وصلك أوهام بادلت روحي حنين بحنين

ح أفتح قلبي

ليلى مراد :

أنا عارفة اللي فيه لكن أحب الناس تفهم

عبد الوهاب :

ح أعلن حبي

ليلى مراد :

القلب يتهنى بيه ويقبل الحب ويسلم

عبد الوهاب :

يا ما أسعد القلب المشتاق لو طال حبيبه اللي تمنى

بعد الصبابة والأشواق يفرح بوصله ويتهنى

تعالي بين أحضاني أنا اللي كنت الجاني

وعرفت ذنبي إيه

 

الظلم ده كان ليه – محمد عبدالوهاب

الظلم ده كان لية هو انت ذنبك ايه

ياما بكيت بين احضاني وبسمعك لحني الشادي

باما رويت من ألحاني وفضلت وياي تنادي

انا كنت أشكي ترحم اساي

وكنت أحكي تفهم لغاي تفهم لغاي

تفهم لغاي تفهم لغايا

فين صوتك الحلو الرنان يخفف الأشجان عني

انت السمير بين الخلان يرتاح معهك بالي واغني

يا روضة من غير بلابل تشجي الفواد العليل

يا غصن علي الارض مابل ياغصن علي الارض مايل

يا غصن علي الارض مايل عدمت زهرة عدمت زهرة

الجمال

فين صوتك الحلو الرنان يخفف الشجان عني

انت السمير بين الخلان يرتاح معاك بالي واغني

احب عيشة الحريه – محمد عبدالوهاب

أحب عيشة الحرية زي الطيور بين الأغصان 

ما دام حبايبي حواليه كل البلاد عندي اوطان

مطرح ما بيجي في عيني النوم انام وانا مرتاح البال 

واغير الحال يوم عن يوم ما دام اشوف قلبي ميال

بحب عيشة الحرية

الحسن في الدنيا ألوان تحي الفؤاد وترد الروح 

خفة ودلال وجمال فتان ترضي هواك مطرح ماتروح

القمر ساعة ظهوره يحلي نوره با حبايب 

والفؤاد يزيد سروره كل ما يشوف اللي غايب

شوف النسيم في الروض ساري ينبه الورد النعسان 

ادي خيالي وافكاري زي الطيور بين الأغصان

بحب عيشة الحرية

ياما ارق النسيم – ليلى مراد

ياما أرق النسيم ، لما يداعب خيالي

خلاني وحدي أغيب ، واسبح في وادي ألاماني

الجو رايق وصافي ، والبحر موجه يواقي

طلب الحنين للبر ، والبر عنه بعيد

فضل يزين في البحر، والشوق في قلبه يزيد

ولما جي الشط الهادي ، ريح جنبه

وشوش الرمل النادي وشكى غلبه

ياقلبي مالك كده حيران – ليلى مراد

يا قلبي مالك كده حيران

حيّرت أفكاري ويّاك

فضلت خالي من الأشجان

تميل و تهجر زي هواك

علشان ما بيّن لك ودّه

وبان في عينه دليل الميل

تفضل تفكر فيه وحده

و تشوف خياله طول الليل

اوعى يا قلبي تلين لهواه

وترضى بالتعذيب و تميل

ده كل اللي من سلّم قلبه

يقضّي طول العمر ذليل

كيف مرت على هواك – أم كلثوم

كيف مرت على هواك القلوب فتحيرت من يكون الحبيب
كلما شاق ناظريك جمال أو هفا في سماك روح غريب

سكنت نفسك الحزينة وارتاحت وميل النفوس حيث تطيب
فتوددت بالحنو والعطف وفجر الغرام نور رطيب

فإذا شمسه تبدت أصاب القلب من حرها جوى ولهيب
وهوى الغانيات مثل هوى الدنيا تلقاه تارة وتخيب

منظر تظمأ النفوس إليه ومتاع يقل فيه النصيب
وشقاه تلذ فيه الأماني وأمان تحقيقها تعذيب

عادت ليالي الهنا – أم كلثوم

عادت ليالي الهنا والقلب نال المنى
لما الحبيب جاد بالوصال وعيني داقت طعم النوم
كل اللي راح اصبح خيال ولافيش حبيب متهني اليوم
بالوصل إلا أنت وأنا

كان ليه عذاب الهوى كان ليه ليالي النوى
ياما قاسيت من طول جفاك واحترت بيني وبين الروح
انسى اللي فات واسلى هواك والا امتثل للبكا والنوح
لما القلوب تبقى سوى

z