عشره كوتشينه – محمد عبدالوهاب

فيك عشرة كوتشينة فى البلكونة

باصرة بشــــكة عادة مجنونة

لاعبني عشرة انما برهان

كلت بولد اه ياحلولى وشوف بقى اللعب الرايق

الطيبة الدو والبللي واهي فورة من أول طابق

تلاعبني ليه بقى برهان

ادى باصرة بالكومي والبنت وادي باصرة تانية بالشايب

اللي ما شـــــــفتك مرة كلت بـــاين مـــــا لكش هنا نايب

تلاعبنى ليه بقى برهان

 

عايزك تصد – محمد عبدالوهاب

عايزك تصد وتهجرني يمكن أطيب

وتبين الصد في ودك يكفي نحيب

أنا أحبك ما انكرشي وانت الطبيب

لكن بقول صدك يمكن يطفي اللهيب

أنا اللي طالب هجرانك من غلبي فيك

بالعين دي حقك تواصلني وحياة عينيك

مادام نعيمك تعذيبي واهون عليك

عذبني أنا راضي بحكمك روحي في ايديك

 

شبكت قلبي – محمد عبدالوهاب

اه شبكت قلبي يا عيني شوفي بقى من يحل له

النوم بينك وبيني امتى يزورني واقول له

ليه يا حبيبي نسيتني وغاب جمالك وطيفه

يصحيني ؟؟؟؟يفوتني وتفوت ليالي ما اقابله

يا تاركني على كيفك تعال لي والا ابعت طيفك

توحشني وانت ويايى واشتاق لك وعينيك بعيني

اتدلل والحق معاي واعاتبك وما تهونش عليَّ.. عليَّ

ما تهونش عليَّ

بتسألي ليه – محمد عبدالوهاب

بتسألي ليه مش عارفة إني بحبك

وتمسكي لى عالهايفة ياختي يا قلبك

يكفي أنين

قلبي بيلين

كنت لي فين يادي الغرام 

أنا من سنين عايش حزين

ما اعرفش مين قال لي حرام

بتسألي ليه مش عارفة إني بحبك

وتمسكي لي عالهايفة ياختي يا قلبك

حبيت أشوف بختي وياكي قام بختي مال

وأعمل ايه دلوقتي معاك شوفي لى حال

هم وعذاب ده أنا عقلي غاب

فين الثواب

انتِ المرام 

اشكى المصاب لو يستجاب

ده القلب داب ليه الملام 

بتسألي ليه مش عارفة إني بحبك

وتمسكي لي عالهايفة ياختي يا قلبك

النبي حبيبك – محمد عبدالوهاب

النبي حبيبك ما تحرمش الفؤاد منك

وتسبي قلبي المتيم دا الدوا عندك

يكفى عذابي ويكفى إني أنا عبدك

ما آنش لسه الآوان بالقرب ياروحي

دا البعد مهما يطول ماليك غير عبدك

الليل بدموعه – محمد عبدالوهاب

الليل بـــدموعه جاني يـــا حمام نوّح ويــايــــا

نوح واطرح أشجاني دا جواك من جنس جوايا

الشوق هاجك من دوحك وشكيت الوجد معايا

أبكي بـــالدمع لنوحك وتنوح يــــا حمام لجفايا

بعد الأحباب لوعنا والقرب دواك ودوايــــــــا

ومسـير الايام تجمعنا ان كان في الصبر بقايا

قال لي اتعلم من حبي قرصان العشـــق هوايا

أنا اخبي الدمع ف قلبي واكتم في القلب أسايا

اللي انكتب – محمد عبدالوهاب

اللي انكتب عالجبين لازم تشوفه العين

وعدك ومكتوبك ياقلبي كان مخبيه فين

ان كان كذا قسمتك بختك اجيبه منين

سلم امورك ياقلبي وامتثل لله

واللي انكتب عالجبين لازم تشوفه العين

اتعجل العمر – محمد عبدالوهاب

أَتَعَجَّلُ العُمْرَ ابْتِغَاءَ لِقَائِهَا فَإِذَا تَلاقَيْنَا بَكَيْتُ حَيَاتِي

تَمْضِي بِيَ الأَيَّامُ وَهْيَ رَتِيبَةٌ لا هَـمَّ لى إلا اللِّقَـاءُ الآتِي

أَزِنُ الحَدِيثَ أَقٌولُهُ عِنْدَ اللِّقَا فَيَضِيعُ عِنْدَ تَقَابُلِ النَّظَرَاتِ

وَأَعُودُ بَعْـدَ تَرَقُّـبي إِقْبَـالَهَـا وَالنَّفْسُ سَاهِمَةٌ مِنَ الحَسَرَاتِ

فَأَقُولُ : مَلِّتْني وَمَلَّتْ عِشْرَتِي وَالغَدْرُ طَبْعٌ في هَوَى الفَتَيَاتِ

وَأُناصِبُ النَّفْسَ العِدَاءَ فَتَنْطَوِى وَلَرُبَّمَـا يَجْـني عَـلَيَّ ثـَبـَاتِي

هَمَّانِ أحمِلُ وَاحِدًا في أَضْلُعِي فَأُطِيقُـهُ بِتَجَـلُّدِي وَأَنَـاتِي

وَأُغَالِبُ الثَّـانِي وََمَـا لىَ حِيـلَةٌ بَعْدَ الَّذِي أَرْسَلْتُ مِنْ عَبرَاتِي

أَشْكُو فَتَكْذِبُني الشَّـكَاةُ فَأَنْثَـني خَزْيَانَ مِنْ دَمْعِي وَمِنْ زَفَرَاتِي

وَأَخَـافُ أَنْ تَـلْقَى الَّذِي لاقَيْتُـهُ في الحُبِّ مِنْ وَجْدٍ وَمِنْ حُرُقَاتِ

أَجْني عَلَى نَفْسِي وَأَرْضَى ذُلَّهَـا وَأَرَى الجِنَايَةَ أَنْ تُحِسَّ شَكَاتِي

خلي الدموع لعيني – أم كلثوم

خلي الدموع دي لعيني وخلي سهدي لجفوني
يا روحي يصعب عليٌ تصبح شجونك شجوني

يا ريتني حبيت لوحدي من غير ما تدري اللي بي
وفضلت غرقان في وجدي من غير ما تاخدي بأيدي

الحزن مخلوق لقلبي والحب قلبي ولساني
وأخاف تبادلني حبي تقاسي من اللي ضناني

سبيني أنادم همومي واشكي غرامك لحالي
وأشوف شقاي ونعيمي ما بين آلامي وآمالي

z