المملكة – حسين الجسمي

لان الله يحب المملكه ورجالها الطيبين
واهلها وكل من يسكن بقلبه في اراضيها
وهبها الله وتوجها باوفى اثنين واغلى اثنين
ابو متعب وابو خالد ضياها اللي يحليها

تحيه ما تليق الا بمقامه خادم البيتين
تخص الغالي عبدالله وتهدي له امانيها
مليك عز دين الله وعزه ربنا بالدين
تبنى بالسلام امة محمد وارتقى فيها

مليك السلم عبدالله حواره حجة الضدين
نصير الحق سيف العدل وعهوده موفيها
سخى نفسه تجسد به بيمنى ما بعدها يمين
به اسلوب الكرام اللي بياض الوجه كاسيها

على يمينه وقف وافي يوفي بالوفى الوافين
وقف سلطان لي خيره قلوب الخلق يسقيها
امير لو يحط ايده على صم الصخور تلين
ولو وزع بعض طيبه على الدنيا يكفيها

قلوب الخير والطيبه بهم ما يختلف شخصين
قلوب من خلقها الله زرع حب البشر فيها
غلاهم من تواضعهم في عين اللي يشوف يبين
وافضال كثيره تعجز الاقلام تحصيها

ابو متعب وابوخالد في صدر المملكه قلبين
عسى الرحمن يحميهم لها والله يحميها
هم اغلى اثنين ضمتهم بلاد الخير وأوفى اثنين
غلى قلب السعوديه وحب قلوب اهاليها

z