القلب يعشق كل جميل – أم كلثوم

القلب يعشق كل جميل
وياما شفت جمال يا عين
واللي صدق في الحب قليل
وإن دام يدوم يوم .. ولايومين
واللي هويته اليوم
دايم وصاله دوم

لا يعاتب اللي يتوب
ولا في طبعه اللوم
واحد مفيش غيره
ملا الوجود نوره
دعاني لبيته
لحد باب بيته

ولما تجلالي
بالدمع ناجيته

كنت أبتعد عنه
وكان يناديني
ويقول مصيرك يوم
تخضع لي وتجيني
طاوعن … ياعبدي
طاوعني أنا وحدي
مالك حبيب غيري قبلي و لا بعدي

أنا اللي أعطيتك
من غير ما تتكلم
وأنا اللي علمتك
من غير ما تتعلم
والي هديته إليك
لو تحسبه باديك

تشوف جمأيلي عليك
من كل شئ … أعظم
سلم لنا تسلم
دعاني لبيته
لحد باب بيته
ولما … تجلالي
بالدمع ناجيته

مكه وفيها جبال النور
طاله علي البيت المعمور
دخلنا باب السلام
غمر قلوبنا السلام
بعفو رب غفور

فوقنا حمام الحمي
عدد نجوم السما
طأير علينا يطوف
ألوف تتابع الوف
طايريهني الضيوف
بالعفو والمرحمة

واللي نظم سيره
واحد مفيش غيره
دعانى لبيته
لحد باب بيته
ولما تجلالى
بالدمع ناجيته

جينا على روضه
هاله من الجنه
فيها الأحبة تنول
كل اللى تتمنى
فيها طرب و سرور
و فيها نور على نور

وكاس محبة يدور
واللى شرب … غنى
وملايكة الرحمن
كانت لنا … ندمان
بالصفح والغفران
جاية تبشرنا

ياريت حباينا
ينولوا ما نلنا
يارب توعدهم
يارب واقبلنا
دعانى لبيته
لحد باب بيته

ولما تجلالى
بالدمع ناجيته

z