اسري على ديرتش – الشيلات

اسري على ديرتش والليل يسري بي
واخايل وجودش بعرض السما قمراء
يا باشة الغيد جيتش شوق روفي بي
وش حيلتي والمحبه فالحشا جمراء

من قبل عامين وانا اشوفش ب غيبي
كن الله انزل علي من السما عذراء
ما تشبهين البشر يا طبي ويا طيبي
مثلش على الجرح لا حطيتها يبراء

يا روحي كم لي بالغلا سيره
وبعادي عن كل البشر خيره
وش بيدي لو ما الفتنه وصوفش
ما كنش في عقلي و تفكيره

يا عيني وانتي لي نظر عيني
مافيني حيل اصبر على سنيني
يضنيني شوق القلب واشوفش
لوّ السماء ما بينش و بيني

الخاطر امسى على عذبش وتعذيبي
عذب اللما في مدار الشفه الحمراء
من دونها بالحلا و الريق يروي بي
كن الثنايا نحلها والعسل مجراء

لاجيت ابوصف عيون الظبي تمضي بي
من قبل لاكتب على اوزان النحر واقرا
كم كلمة قلتها من خاطرن ذيبي
وضلوع صدر الوليدي بالهوى مذراء

يا عنقاء مالي بالهوى فرقى
من يسلى عن وصل الغضي يشقى
ذا قلبي كنه داخل كفوفش
واحساسي مهما غبت به يبقى

يا عيني وانتي لي نظر عيني
مافيني حيل اصبر على سنيني
يضنيني شوق القلب واشوفش
لوّ السماء ما بينش و بيني

اقرب من القلب ما نحتاج تقريبي
في فية ضلوعي اليمنى مع اليسراء
نبض المحبه زهم وايدي على جيبي
اخاف قلبي من الفرحه ظهر براء

قبل اتمناش ب عيوني تمني بي
واللي تمنى حبيبه دونه البشرى
راح العمر كيف ابعذّر على شيبي
حبن عليه اتحمل غيبتش و ادراء

وين انتي شوقي لش رقا غايه
من فينا ما له فالوصل رايه
معذوره دام الحشمه ظروفش
يا روحي زينش فالبشر ايه

يا عيني وانتي لي نظر عيني
مافيني حيل اصبر على سنيني
يضنيني شوق القلب واشوفش
لوّ السماء ما بينش و بيني

فنجال قهوة – خالد المري

ضيقةٍ في خاطري حبلها عقده جويد
ماتفرّج لين ياخذبي الجيب نهوه
في سنع بدوٍ تناحوا بمضنوني بعيد
دونهم للجيب روحه ومسرى و ضحوه
أجنبوبه يوم شاروا عليهم بالشديد

العسوس الي عطوهم خبر سيل فحوه
ودي أتعب في سنعهم على صافي الحديد
لو ما أحصل عندهم غير فنجال قهوه
شوفة الي حط في القلب له رفن فريد
وحط له في الرف عشٍ تقل عش صعوه

هو غرامي زال ما حشرجت حول الوريد
جاعلٍ ربي وداده على الحال دعوه
إن هرج لي عيد و إن مد لي يمناه عيد
يوخذ الفنجال منها على غير شهوه

دلني وين بيتك – الشيلات

رفرفي يا لحوني
صوب غروٍ فتون
ما سرا من عيوني
يوم أشوفه قبالي

من سمر لحن شيله
و أنهمر نو سيله
خلد الشعر ليله
غير كل الليالي

لو عليها أتغنى
و أحتري و أتمنى
لين اجي و أتهنى
بالسعد راس مالي

ما تنحيت عنه
دام شوفته جنه
لي فؤادٍ يحنه
من نسيم الظلال

خذ فؤادي و نبضه
و أسكن بكل عرضه
و المشاعر على أرضه
كلها لك حلال

أتعدى المجره
و أنت للقلب دره
حطها الله و قره
بين الاضلاع غالي

والله أنك حبيبي
و الهوى بك نصيبي
ليتني لك قريب
يا دواء ضيق بالي

أسكن الصدر دارك
و المحبه مدارك
و أمنع القلب نارك
ما ذخرتك سوى لي

يا حبيبي فديتك
دلني وين بيتك
كانني ما لقيتك
شيب عيني و حالي

للمحبه حكايا
و أشتياق و نوايا
و أنت كل الهدايا
يا حسين الدلال

كل ما احويت قولك
ضعت في طيف زولك
بين ريقك و لولك
و الرموش الطوال

أبحرت بي دقيقه
و البحر له طريقه
و أشهد أني غريقه
لو بعيني حبالي

ما هجعت بواصله
و ما قويت انفصاله
ولا قطعت اتصاله
كنه أغلى عيالي

كل ريفٍ يهله
يزهي الورد ظله
راهي العد من له
غير شرب الزلال

يا مزون السحابه
خيلي تو بابه
و امطري لي لقى به
دام جاء لي مجال

أنتمي له و أحبه
و الهوى من مهبه
وين ه اللي لعب به
يوم أنا له موال

وصليني مرامي
يم عطف اللثامي
يا بحور الغرامي
موج الاشواق عالي

يا عرب ذي حروفي
قبل وصل الكفوفي
من شعوري و شوفي
و أكثر الناس سالي

وجه الغياب – شبل الدواسر

انا في وجه الوصل عن وجه الغياب
والظالم اللي كل ظلمه قابله
اشد له لو كان ما عندي زهاب
غامرت لـ عيونه عشان مقابله

الصاحب اللي صاحبه لا جاه طاب
كن المفارق في عيونه طاب له
اللي مواعيده مثل طرد السراب
متى مواعيده تزف مقابلة

وقته معي دايم مثل مقطع سناب
لا قلت : ابى اشوفك يقول : القابلة
والقابلة تعني سؤال بلا جواب
ولاادري وصالي ويش منّي جاب له؟

وانا شبعت من السوالف والعذاب
من اللي غلاه فـ وسط قلبي دابله
ليته يعاتبني وانا قد العتاب
لان المحبة لـ المعاتب قابلة

فتحت له لـ مواصلي عشرين باب
ويسدها بـ اعذار من قنابله
برق المواصل حال من دونه ضباب
لو لاح فـ القبلة ما سيّل وابله

وانا رهين اطول طويلات الرقاب
ام العيون الناعسات الذابلة
في نحرها سلسلالها الالماس ذاب
والباقي ما اعرف حابله من نابله

والحب مثل الزرع لا هملته وخاب
وشلون تجني حب من سنابله
كان العمر عنده على شان الغياب
انا العمر عندي عشان اقابله

موتن قهر – الشيلات

موتن قهر لاحضرنا وابعدن
جتكم الفارقه بطول وجمال
اسكتن وابعدن لاتلعبن
ماتصيرن مثل حتى الغزال

تاخذ الصف الاول واقعدن
قوتن كنها رعد الشمال
بنت شيخ عزومه ماردن
ذايع الصيت وفعله للرجال

امها بنت حر يشقعن
من مخالبه ساكين الحلال
ربعت في خفوقي وردن
كل غصن تمايل باعتدال

هاض فكري علي وحضرن
بيوت شعري بمدحي للغزال
موتن قهر .. موتن قهر
اسكتن .. اسكتن .. اسكتن

موتن قهر لاحضرنا وابعدن
جتكم الفارقه بطول وجمال

أنت ماتدري – بدر العزي

أنت ماتدري ب حالي
كثر ويش اللي جرالي
وأنت ماغيرك بقى لي
يرحم الله والدينك

يوم غبت اليوم عنّي
اختلف بالحب ظنّي
وانتهى عمر التمنّي
يرحم الله والدينك

ياطويل الرمش تكفى
ماني متحمّلك تجفى
دنيتي ماهي بتصفى
يرحم الله والدينك

غيبتك لو هي ثواني
ضيم وطعون وهواني
يوم حبك قد غواني
يرحم الله والدينك

والعمر ماهو بيسوى
صارت الأحوال أسوا
يوم جازتني ب قسوى
يرحم الله والدينك

لا تزيد الطين بلّه
ثم تزيد الضيم علّه
خلّ ما قد راح خلّه
يرحم الله والدينك

غيرتك حتى من أهلي
لا تقول إنها من أجلي
كنت لي والحين من لي؟
يرحم الله والدينك

عطني ايديك الصغيره
خلّهم يبكون غيره
قلبك و مالي ب غيره
يرحم الله والدينك

ضاع خصرك من يديني
من سبايب حاسديني
لو عيونك فاقديني
يرحم الله والدينك

خذ عيوني في عيونك
شوفها ما هي تخونك
واعرف إن عيني تصونك
يرحم الله والدينك

عيشتي واللّه قشرى
والعشر ماهي بعشرا
موجز الأشواق نشرا
يرحم الله والدينك

كان رحت اليوم عنّا
والصدر بالضيم ونّا
ارحم اللي فيك غنّا
يرحم الله والدينك

أداء: بدر العزي

اسأل المشتاق – الشيلات

ليت حبك ف الحشا عابر سبيل
كان قلبي طاعني بحكاي له
و ليت فقدك دمعة اعيون و تسيل
فقدك أكبر من دموعٍ سايله

اسال المشتاق وش يعني الرحيل
يوم شمسك ل الموادع مايله
ياشذا وردٍ على غصونه يميل
يابطى غيمٍ يشوق امخايله

ما انت في عيني ولا قلبي قليل
ما حدٍ غيرك بعيني شايله
هذي الفرقا خذت كل الحصيل
والله اللي لاقضى شكواي إله

ماحيت إلا على الوصل الجميل
ولا ذبحني إلا الظروف الحايله
ودي اب كلمة رجا تشفي الغليل
تقصر اللي في خفوقي طايله

الحزن يقتضني واقتض ليل
كم سهرت وكم سريت احايله
يا حبيبي والله انه مستحيل
اني انسى حبك و عمايله

عزي ل حالي وانا بالي طويل
هذا هو حبك و ذي فعايله
لاقوى متنٍ على الحمل الثقيل
مايطيح الحمل غير بشايله

ليت فقدك دمعة عيون و تسيل
فقدك أكبر من دموعٍ سايله

أداء: بدر العزي

وين انت – الشيلات

ابطيت ما جاني خبر
والشوق في صدري كبر
ما عاد في قلبي صبر
وين انت عني ي الحبيب

اسهر الى قبل الشروق
و اغفى على طيفك وفوق
قلبي على وصلك شفوق
حالي من الفرقا صويب

يسقى علينا قبل عام
من بيننا حب وغرام
متبادلين الاهتمام
للعين في شوفك نصيب

ريم الفلا منك يغار
خذيت شكله بختصار
العنق والخصر الضمار
فتنه ولك عقلٍ لبيب

اعيونك الحور الوساع
لاشافها قلب الشجاع
ايروح منها في ضياع
ما عاد ينفعه الطبيب

اطلب من المولا عسا
اواجهك صبح و مسا
حتى لو ان قلبك قسا
ياحظ من هو لك قريب

شوقي مدهور حالتي
والخد عاف وسادتي
والنفس تدرا هامتي
انا من الفرقا غريب

اهواك وهواء طيبتك
تعال عوض غيبتك
وحفظ بقايا هيبتك
فيك الامل ماهو تخيب

ماهمنا حكي العرب
ولاشكوك اهل الطرب
وامن الردى مانقترب
حب النقا مافيه عيب

العمر يمضي والسنين
ماترحم القلب الحزين
والله على الفرقا يعين
بصبر عسى قلبي يطيب

أداء: بدر العزي و غريب ال مخلص

ذكّره ياليل – الشيلات

ذكره ياليل فيني وان نساني
قل له انه لو نساني مانسيته

وان نشد عن حالتي قله تراني
طيبن لين اتعدا خط بيته

ذكرياته فالقصيد وفالاغاني
والطريق اللي على شانه سريته

وانشده ياليل عن عهد عطاني
وقله ان العهد رحت وماوفيته

يبتعد ويحب بعدي شخص ثاني
بعد مابعت السعاده واشتريته

ماهقيت ان فيه احد ياخذ مكاني
واثر قلبه ماكفاه اللي عطيته

يارسول المحبه
جرح قلبي وطبه
وينه و وين خله
والمسافه قريبه

ناقش الكف حنّا
هو عذاب المعنا
وينه و وين خله
والمسافه قريبه

واهني من يضمه
ضمة الطفل لامه
وينه و وين خله
والمسافه قريبه

يالغزال المذيّر
عاد سنك صغيّر
وينه و وين خله
والمسافه قريبه

كحل عينك طبيعه
ناعساتٍ وسيعه
وينه و وين خله
والمسافه قريبه

قم وفل الجديله
عاد فالعمر ليله
وينه و وين خله
والمسافه قريبه

والعب ب جسمك اللي
تل شاعرك تلّي
وينه و وين خله
والمسافه قريبه

والله انك مبدّا
ياهوى الروح جدا
وينه و وين خله
والمسافه قريبه

والله اني لا صونك
وارد الموت دونك
وينه و وين خله
والمسافه قريبه

عاذلي ماشحنّي
لو عذلك وعذلني
وينه و وين خله
والمسافه قريبه

غير عجل علينا
كان ودك تجينا
وينه و وين خله
والمسافه قريبه

أداء: بدر العزي وفهد بن فصلا

كيف ابدفى – الشيلات

كيف ابدفى .. وبرد الشوق يذبحني وله
ليه تجفى .. يا اخر حب قلبي واوله
وانت اللي ملك روحي غرامه
وحبه حط في قلبي علامه
وصابتني من الفرقا سهامه
وانادي له من الاوجاع تكفا كيف بدفا

اشتاق لك وانت تدري حبك بقلبي كبير
لو تدري الشوق في قلب المولع يقلته
انت الاماني والهوى والحب الاول والاخير
والشوق في قلبي يحن من اخره لين اوله

طال بعدك .. يمر اليوم بغيابك سنه
ليه صدك .. وعيني في وصالك مدمنه
اشوفك طيف في كل الاماكن
وشوقي في حنايا القلب ماكن
وجودك نور في عمري ولكن
من غيابك حياتي منك تطفا كيف بدفا

انا الحبيب اللي على درب المحبّه مستخير
و انت الحبيب اللي على درب المحبّه حصّله
اقول للعالم بخير و حالتي ما هي بخير
باب الوصل قفل بعد ما كان قلبي يدهله

انت عمري .. وروحي فيك تحيا ياهوى
ليت تدري .. وجودك يابعد حالي دوى
ي شوق الخاطر وغاية طموحه
ي بلسم خافقي ياروح روحه
وقلبن لو يعاني من جروحه
اذا شافك من الاعواق يشفا كيف ابدفا

اشتاق لك وانت تدري حبك بقلبي كبير
لو تدري الشوق في قلب المولع يقلته
انا الحبيب اللي على درب المحبّه مستخير
و انت الحبيب اللي على درب المحبّه حصّله
اقول للعالم بخير و حالتي ما هي بخير
باب الوصل قفل بعد ما كان قلبي يدهله

z