السؤال – خالد عبدالرحمن

ما سألت بيوم نفسك هالسؤال يا حبيبي ما خطر مره عليك

ليه أنا أشتاق لك يا إبن الحلال ليه أحبك ليه ميت بس فيك

آه لو تعرف معاناة الليال والعنا والشوق في قلبٍ يبيك

ما تركته يحلم بلحظة وصال كنت جيته قبل ما يفكر يجيك

منهو مثلي دللك هذا الدلال وأعتبرك لقلبه وروحه شريك

ماترك للحزن في عمرك مجال والفرح حطه على راحة يديك

بس يكفي من تعاليلك وتعال ملت الساعات من شوقي إليك

والا إسأل خافقك نفس السؤال ليه أحبك و أعشقك و أموت فيك

السؤال – محمد عبده

يا سؤالي وش بها
كل ما اسألها يجاوب صمتها
انتهت والا انتهى .. الوريد اللي يغذي ودها
انكرتني وانكرت .. انتظاري واشتياقي اللي لها

وش بها وش بقى مني ومنها
وش بقى وش بها
كل ما اسألها يجاوب صمتها
يا سؤالي

الغريب اني ذكرت وهي نست
الملامح في حكينا اللي بقت
والغريب اني وقفت وهي وقفت
كنها وياي مرة ما وقفت

يالغريب اللي غريب في طبعا
وش بها وياي قل لي وش بها
يالجديد المختفي في صمتها
هي غريبة أو غريب اللي بها

كل ما اسألها يجاوب صمتها
يا سؤالي

غربتي ياغربتي
في عيون اللي عرفت عيونها
هي معي ماهي معي
وين أنا منها ومني وينها

ياسوالف داخلي
واقفٍ معها واسولف داخلي
انتهينا وانتهى
باختصار اللي معاها موقفي

انكرتني وانكرت
انتظاري واشتياقي اللي لها
ياسؤالي

z