اخترتك انت – ميحد حمد

لا تكثر همومي وترسم عذابي … وانا تركت الناس واخترتك انته

قلبي فتح لعيونك السود بابي … من عقب مافي وجه غيرك غلقته

لا تقول معلن فالغرام انسحابي … وانا لجل حبك فوادي فتحته

حب ٍ خطف قلبي وضيع صوابي … واضح ولول عنك شعوري كتمته

والله لو تعلم بحب ٍ غدا بي … ان كان عمرك لاجل عيني نذرته

لكنني مخفي عن الناس مابي … والحب ترخص قيمته لو نشرته

تعال اجدد معك بهجة شبابي … واعيد عمر ٍ قبل شوفك حرقته

تعال داوي في حياتي مصابي .. وانا بعوض لك زمان هدرته

ياسيدي ياعالي القدر والجنابي … خليت كل الناس واخترتك انته

اخترتك انت – عبدالعزيز المنصور

اخترتك انت من بد البشر اخترتك انت

ولا غيرك انت على قلبي قدر ولا غيرك انت

انت وبس اللي هوايا راحة قلبي ومنايا

يكفي روحك وياي اخترتك انت ..

اش معنى انت سلطني هواك اش معنى انت

جنني حبك خلاني ملاك اش معنى انت

يمكن اعجبني طيبك يمكن حبيت قليبك

يمكن حظك ونصيبك اخترتك انت ..

حلوه هالدنيا لا صرتي معاي حلوه هالدنيا

تفرح الأيام وتعانق هوايا حلوه هالدنيا

من هو غيرك خلاني انسى الدنيا وخلاني

واحيا في عالم ثاني اخترت انت ..

اخترتك انت – بلقيس

هوما هوما هومالي .. هومالي
هوما هوما هومالي .. هومالي
على كثر البشر اللي
يبون قربي مثل ظلي
اخترتك انت
من شفتك مدري شحصلي
يرتبك قلبي وكلي
منك انت

وراك وراك انت ساحني وراك
هواك هواك ما اتنفس الا هواك
معاك معاك احس خذيت روحي معاك
بلاك بلاك حياتي ما أبيها بلاك

أموت أموت أنا أنا
اذا ما شفته ليله أموت أموت

في عيني تسوى لك عالم
وربي شايف وعالم
في حبك ما في تفاهم
فاهم والا مو فاهم ياقلبي

مثير مثير حسنك يذبح ومثير
كبير كبير عشقك في قلبي كبير
أغير أغير من كل شي حولك أغير
أطير أطير وراك للسماء أطير

أحسك تسري ويا دمي
وبالدنيا انت كل همي
ياروحي
ياقلبي لا شفت سمي
دامه حضر اهو يمي
ياروحي

كلام كلام حبي ماهو أي كلام
غرام غرام واصل لحد الفمام
تمام تمام انا وانت كذا تمام
سلام سلام انت حقي والسلام

أموت أموت أنا أنا
اذا ما شفته ليله أموت أموت

على كثر البشر اللي
يبون قربي مثل ظلي
اخترتك انت
من شفتك مدري شحصلي
يرتبك قلبي وكلي
منك انت

z