كلمات شيلة نسناس الهوى - فلاح المسردي (2018)

نص كلمات نسناس الهوى

هب نسناس الهوى اللي من مهبه

كر جمر الشوق واحرقني لهيبه

والبلا ان الجمر في قلبي مشبه

وقلبي شب ب كل ضلعن يحتمي به

ياهل العشق الحقيقي والمحبه

لاحدن عندي يطري لي حبيبه

خافو الله فيني وفي اللي احبه

وادعو الله يا عسى ربي يجيبه

وبشروني عنه قولوا لي ياربه

ما نسى اللي ما نساه ومكتفي به

والله أنه جرح قلبي وانه طبه

ولجله اتهون الكليفه والصعيبه

في غيابه كل يوم يزود حبه

وكل يوم أصون حبه واعتني به

والوفى له والغلا له والمحبه

جعل يسقى يوم اشوفه والتقي به

علموا اللي فالوصل ما خاف ربه

المفارق موت وجروحه عطيبه

اسالوا من فارق أغلى من يحبه

وصار دمعه عادي ونفسه كئيبه

وانت يالي من فراقك صرت أسبه

شف عيوني شف محاجرها شحيبه

انت قلبك مثل قلبي والا صبه

لعنبو ذا القلب وش عادك تبيبه

حس والا حن فاللي ما يشبه

من وفاه وفي غلاه وكل طيبه

وان نويت تروح عادي من احبه

من احبه والله أني ماهتني به

المشاعر ما تموت بدون سبه

والخواطر ما تجبر بالغصيبه

وكبرياء النفس ما بين الاحبه

اول اسباب الجفاء واكبر مصيبه

الأسئلة الشائعة ومعلومات «نسناس الهوى»