كلمات أغنية قارورة - باسم الكربلائي (2018)
الفنان: باسم الكربلائي
- كلمات: احمد الذهبي
- سنة الإصدار: 2018
نص كلمات قارورة
يا قارورة دمه الغالي
على احبابي انشغل بالي
اراقب واني حذره
الرسايل كلة خطرة
اول مراسيل الحزن
نسمة هوه جايبته .. الي
مخنوك اجه بصدري النفس
شميته بي ريحه .. هلي
من والدي جايب عطر
مو ذاك عطرة .. الاولي
بيه ريحة الفاكد ولد
يمكن مشه الاكبر .. علي
يقارورة واخاف اني
تجرحيني بخبر ثاني
واموتن قطرة قطرة
الرسايل كله خطرة
يقارورة دمه الغالي
على احبابي انشغل بالي
اراقب واني حذره
الرسايل كلة خطرة
ثاني رساله من السفر
مكتوبه الي بكطرة .. دمه
كالتلي عطشان الورد
مات الندة ويشرب .. ضمه
عبد الله موذاك الطفل
جن والدج شايل .. سمه
اترف قرابين العشك
راد الحبيبه .. يقدمه
رسمتيلي يقارورة
مهد خالي بحظن صورة
اثر دم على صدره
الرسايل كلهه خطرة
يقارورة دمه الغالي
على احبابي انشغل بالي
اراقب واني حذره
الرسايل كلة خطرة
ثالث مكاتيب البعد
هذا اصعب واكثر .. خطر
يحجيلي سالوفة سمه
مثلومه ويطيح .. الكمر
من يحظن بروحه الجرف
يشبه نهر حاظن .. نهر
مو ظهر ابوي المنحني
ظهر الزمن كله .. انكسر
لكاه كاتب على جروحه
غلاة اختك مثل روحك
طلب زينب تعذرة
الرسايل كله خطره
يقارورة دمه الغالي
على احبابي انشغل بالي
اراقب واني حذره
الرسايل كلة خطرة
اما الرساله الرابعة
لونج يقارورة .. اختلف
لون الدمة تحول الى
حنه عريس بلاي .. جف
والدته ينزف رادتهه
زفوه على جروحه .. نزف
صورة بدر ينزف ضوه
صورتي لحساسي .. ورجف
وانا وروحي وخناجرهه
مثل رمله ومشاعرهه
الحجر بلنوح افطرة
الرسايل كله خطرة
يقارورة دمه الغالي
على احبابي انشغل بالي
اراقب واني حذره
الرسايل كلة خطرة
لحظة ووصل من الهجر
اصعب مراسيل .. الالم
شكلج يقارورة اختلف
صار اسود وكلبي .. انصدم
مستغربه وفكري انذهل
حزنج على رمشي .. انرسم
ليل الله بحظانج نزل
لو هذا دخان .. الخيم
الجمرة غربه وحرك خيمة
واني بعيني الدمع غيمة
مطر وخدودي صحرة
الرسايل كلهه خطرة
يقارورة دمه الغالي
على احبابي انشغل بالي
اراقب واني حذره
الرسايل كلة خطرة
واخر رسالة من النحر
كلبت موازين .. الزمن
قارورة الدم امتلت
وتبدت وفاض .. الوطن
صدرك علي حافر فرس
والخد بلرمال .. اندفن
وصفولي بجروحك شمس
وجروحي ما .. يتوصفن
على جروحك كمر غافي
وانه بروحي نجم طافي
طفه العالم باسرة
الرسايل كلهه خطرة
يقارورة دمه الغالي
على احبابي انشغل بالي
اراقب واني حذره
الرسايل كلة خطرة
الأسئلة الشائعة ومعلومات «قارورة»
من هو شاعر وكاتب كلمات أغنية «قارورة»؟
كلمات أغنية «قارورة» التي يؤديها باسم الكربلائي من تأليف الشاعر احمد الذهبي.
في أي عام صدرت أغنية «قارورة» للفنان باسم الكربلائي؟
صدرت أغنية «قارورة» للفنان باسم الكربلائي في عام 2018.
ما هو مطلع كلمات أغنية «قارورة» - باسم الكربلائي؟
تبدأ كلمات أغنية «قارورة» للفنان باسم الكربلائي بالمطلع التالي: «يا قارورة دمه الغالي · على احبابي انشغل بالي».
كيف أستمع إلى أغنية «قارورة» بدون موسيقى (صوت بشري صافي) أو موسيقى كاريوكي؟
توفر منصة كلمات مشغل استوديو ذكي أعلى كلمات «قارورة» يتيح لك فصل الأغنية والاستماع إلى الصوت البشري الصافي (Vocals) أو نسخة الموسيقى بدون غناء (Karaoke Instrumental).