تمتّع – شمة حمدان

مافيه غيرك إنشغل فيه بالي
لا والذي سوى عيونك وأبدع
حيّاك إدخل وسط قلبي يا غالي
ودامك في قلبي يا حبيبي تمتّع

خايف أغمّض ما أشوفك قبالي
والعين من إحساس هالخوف تدمع
عطني همومك يا سبب إنشغالي
وإنته في قلبي يا حبيبي تربّع

هذي بداية حب والعشق تالي
ياللي خفوقي في غرامك تولّع
مَ أهتم في غيرك ولا صرت أبالي
جنّنتني والعقل بالحب مَ ينفع

الحب لك في واقعي وفي خيالي
وقلبي أناني فيك وبالزود يطمع
لا تقول : طوّلنا وتعد الليالي
اللي يحب مهما عطيته مَ يشبع

إن قلت إسمي قلت : يا ويل حالي
في صوت عالي عيد لنّي مَ أسمع
حبّيت إسمي يوم قلته يا غالي
ودخلت قلبي ومنّه ما راح تطلع

القلب بيتك وأصلاً البيت خالي
سوّه على كيفك وذوقك تمتّع
إسمي حبيبك وإنته إسمك حلالي
إي والذي سوى عيونك وأبدع

تبيني لك – راشد الماجد

تبيني لك مثل أول
وبعد ماصار لك أرجع

على عيني ولا تزعل
وش اللي بس لك يشفع

ترى الأشياء تتحول
ولا يتكرر مقطع

وتبيني لك مثل أول

تراني غبت ومطرب
ولا عندي سبب مقنع

ومابي تسأل أو أسال
ولا ابي اشوف أو أسمع

مادام أني قدرت ارحل
لا تتوقعني لك أرجع

وتبيني لك مثل أول

خذاني طاري وطاري
طويت اشراعي من بحرك

مع السارين أنا ساري
لاتزعل والبوكي اف عمرك

وتبيني لك مثل أول

على جمرك طفت ناري
وعلى ناري طفى جمرك

اذا ماتدري أو داري
أنا ماني تحت أمرك

وتبيني لك مثل أول

على الله – ماجد المهندس

على الله يالبعيد اللي مشى هالقلب مشواره
على الله نلتقي يمكن تحن وتذكر عيونك

انا لولا الوفا ماجيت درب الشوق واقداره
وتركت اللي يبي قربي عشان اكون مسجونك

إذا قصدك تخيرني بعادك كيف ابختاره
وانا حتى زوايا البيت تسأل عنك وشلونك

تصور كل ماصديت احس الخطوة محتارة
يناديني الفراق وليه توقف خطوتي دونك

يمر الليل في بعدك ويسأل وش هي اخباره
وأقول بخير مازلنا حبايب وأنكر طعونك

عسى نور الفجر يطوي ظلام الليل واسراره
وأشوفك في المدى تضوي حياة وعمر مظنونك

كثر ما زاد هجرانك يزيد العاشق اعذاره
احس انك تبي ترجع ولكن ظرفك يخونك

تعال القلب من بعدك ليالي ماحدٍ زاره
أنا من وين ابلقاها دخيل الله على هونك

z