حلال فيه الجرح – راشد الماجد

حلال فيه الجرح ويستاهل أكثر
محدن بهالدنيا يسوي سواته
دامه خسر مثلي بيتعب ويسهر
يستاهل البرد من يضيع عباته

قالوا شاطر قلت انا دايم أشطر
بصد وابعد لين يكره حياته
العفو عند المقدره قلت مااقدر
قالوا شماته قلت فعلا شماته

ماادري متى هالشخص يا ناس يكبر
اللي كلامه صار يشبه سكاته
كرامتي عندي ترا خط احمر
احيا بها لو هو ثمنها مماته

روز باريس – راشد الماجد

نظرتك تكفيني عن الناس وتزيح من قلبي الهواجيس
ياجوهرٍ من صافي ألماس يا ورد يا نفح النسانيس
جهنمي الخد حساس زهرٍ مغذي للأحسايس

الروح تحيا به والأنفاس عطره يضاهي روز باريس
وأعيان من نظرات نعاس بأهداب تحظيها حراريس
كنها سهم بيدين جسّاس لا صوبه عنده تمرّيس

وشعرٍ كما شقراء من الأفراس متحفزه في موقف الريس
يفداك خذت القلب لا باس فدوى عيونك المناعيس
نظرتك تكفيني عن الناس وتزيح من قلبي الهواجيس
 

حكمة – راشد الماجد

حكمه وقالها حكيم
الوقت ماله لزيم

اللي يحبك مره
حبه كذا مره

صعبه تلاقي احباب
مابينهم جذاب

الحب يابن الناس صدق وعطا واحساس
اصدق مع من حب وابني معاه الساس

صعبه تلاقي احباب
مابينهم كذاب

لا اتأمن الاسرار الا للي يغار
يخشى ويخاف عليك من كلمة البذار

صعبه تلاقي احباب
مابينهم كذاب

حكم الزمن – راشد الماجد

الوقت يا محبوبي يمنع عليك دروبي
قلبي معاك وداعه خذني برفق ودوبي
حكم الزمن يحيٌر وبعض الظروف اتغيٌر
بالثانيه بالساعه في وقتنا المحسوبي

انت عزيز وغالي لا تسمع العذالي
اهل الوشى الخداعه يا شفي ومطلوبي
لا تسيء فيني ضنك انا غريم بفنك
والروح بك ملتاعه وعطفي عليك يذوبي

اسهر وجفني شاكي مثل اليتيم الباكي
اللي فقد مرتاعه لا له في ضني نومي
يابو عويدٍ مالي خصرٍ نحيلٍ خالي
صدرٍ شفى بأرباعه يحفيه لمس الثوبي

افرح بخط ارسالك واتوسلك واسالك
واعاتب السماعه ان مالفت بك صوبي
الوقت يا محبوبي يمنع عليك دروبي
قلبي معاك وداعه خذني برفق ودوبي

حبيت أسلم – راشد الماجد

حبيت اسلم عليك وآخذ اخبارك
واعلمك اني باقي حافظ اسرارك

لا قلت بكره بتمطر شاحت امطارك
غيري سكن جنتك واسكنتني نارك
حبيت اسلم عليك وآخذ اخبارك
واعلمك اني باقي حافظ اسرارك

ويش اسوي بقلبٍ ساكنن دارك
خيرتني نفسي مابين الناس واختارك
حبيت اسلم عليك وآخذ اخبارك
واعلمك اني باقي حافظ اسرارك
واذكرك بالغرام اللي تناسيته
حفرت له داخل عيوني وخبيته

ذاب غصن المحبه وانت ما رويته
حتى اللي مايستوي وياك سويته
واذكرك بالغرام اللي تناسيته
حفرت له داخل عيوني وخبيته

جاك بيتك وعاف قلوب في بيته
لا قلت يا قلبي ابعد قال حبيته
واذكرك بالغرام اللي تناسيته
حفرت له داخل عيوني وخبيته

حبيبي نعترف – راشد الماجد

انا وقلبي نعترف حتى عيوني تعترف
بالحب لك والشوق لك لجلك حبيبي نعترف
في الوجد انا مخفي غلاك والقلب هايم في هواك
تسحر عيوني من حلاك ويا كيف ما نعترف

لا ما بقى في الجسم روح
الروح معك انت تروح

ترفض وعنك ما تروح وان جتني منك تنخطف
يكفي ولا تسال سؤال لا تترك ل شكك مجال
لو بعدنا والصبر طال الحب لك ما يختلف

انت حياتي يا الغلا يا اغلا من كل الملا
احبك ب صدق ولا ومن حب قلبك ارتشف
بين الوعي والاوعي حب موقعك في موقعي
واتذكر اوقاتك معي واوعدك قلبك يرتجف

حبيب الشعب عبدالله – راشد الماجد

حبيب الشعب عبد الله عطا الشعب وعطاه الله
معي قولوا رعآه الله أبو متعب حبيب الشعب
على قدر ٍ من الهيبه سكن في قلوبنا طيبه
من طيبه نهلي به حبيب الشعب عبدالله

فخر كل السعودين ملكنا خادم البيتين
من الماضي الى بعدين أبو متعب عطيّ الله
قوي العزم والهمه صقر دآيم على القمه
شؤون مواطنه همه ايه والله ايه والله

نحبه حييل ونجلّه عدوه فآله العلّه
ولانخونه ابد لله لا والله لا والله
يعيش الوآلد القآئد على كرسي الفخر قآعد
وخلك يازمن شآهد ملك يحكم بشرع الله

وفا بكل التزاماته ولاشي ابد فاته
مع الجيرآن وقفآته لوجه الله لوجه الله
حبيب الشعب عبد الله عطا الشعب وعطاه الله
معي قولوا رعآه الله أبو متعب حبيب الشعب

جلمود – راشد الماجد

قلبك صخر جلمود ما حن عليه
زيد بدلالك زيد وآني بأذيه

يا بعيد عن عيوني دريت لو ما دريت
قلبي إللي تسكنه دوم يسألني عليك

ما سلا قلبي ولا عنك يالغالي سليت
كيف أبسلا يا حياتي وأنا كلي بإيديك

يوم ودعتك بسافر وبرجع للكويت
والله إني في غيابك تعذبت وشقيت

جدول حنانه – راشد الماجد

يوم اسألوني عن حبيبي ويش اسمه
قلت اعذروني يا مخاليق مدري
مجهول عن غيري وقلبي يعرفه
واسمه معي منقوش في وسط صدري

اخفيه بعيوني واصونه بروحي
الصاحب اللي ما جرحني بغدري
أخاف من شي يضره او يوذيه
ما تدركون السر معروف عذري

ايام حبي له توالت سعاده
ما ارخص بحبي ولا رام هجري
مرجح كفت غلاي بغرامه
جدول حنانه لي من الحب يجري

يجري ومرويني بصادق وداده
كنه معي مولود من يوم صغري
ان حالوا العذال بيني وبينه
حبه علي جبار بالجور يجري

ما بعت في حبه ولا لي غيره
تبدلي قلبي له من الغير عسري
افديه بقرابي وكل الجماعه
واشريه بعيوني وروحي وعمري

جتني تقول – راشد الماجد

جتني تقول لي ما أبي غيرك
عطني المحبه وكل تفكيرك

دار الزمان واعرفت منهو انا
بعد ما حل على الفرقا سنه

باقي حياتي عشت وحداني
ضاع العمر من كثرت احزاني

هذا نصيبي وربي اشقاني
باللي تركني ورد من ثاني

أنا عزيز النفس يافلانه
ما اعطي قليبي للذي خانه

بعد الجفا قلتيلي غلطانه
شالفايده ياهيه ندمانه

z