قيمة عماره – الشيلات

قرب اللي قيمته قيمت عماره
من هقابه تقصر الهقوات دونه
من دفع فيه الثمن ماهو خساره
واجد اللي بثمن مايقدرونه

ابيض (ن) من مصدره تم اختياره
جيب لكزز فارق(ن) وصفه ولونه
لا تنهض قرب المشحون داره
هو علاج اللي كثيرات(ن) شطونه

منوت اللي ماخذ(ن) رخصت زياره
سايقه قدمه صغار(ن) يرتجونه
لاوطا التفتيش ثم شافو شعاره
من فخامت منضره مايوقفونه

سايقه حريف معرفته شطاره
والبطا والبعد هوسبت حزونه
لامشا كل(ن) يجنب عن مساره
بنضر من سرعته مايوكدونه

قربه والحر تكفيه الاشاره
شاعر(ن) معنا كلامي تفهمونه
من حلالي ماخذيته بلا عاره
احمد اللي كل خلقه يعبدونه

نصه اللي مكرم(ن) ضيقه وجاره
ابوخالد منبع الطيب وزبونه
ماخذ(ن) في الطيب قدره وعتباره
مجلسه كل النشاما يدهلونه

ابن جروه راجح(ن) نمر النماره
جعل راجح ربعنا مايفقدونه
حيث راجح ذروت المجد وفقاره
منبع اهل الطيب غيث اللي يجونه

صامل(ن) صنديد في كبده مراره
يعجز اهل الطيب قبل يعجزونه
الامير اللي على ساس الاماره
هو ولد شباب يلي تعرفونه

امدحه ثم امدحه تاره و تاره
فيه لا جيتو كلامي تاجدونه
جعل ويل الوسم مايخطي دياره
دار شيخ(ن) مزب(ن) الخايف وعونه

لا عطت يمناه ماتدري يساره
الكرم عنده كبيرات(ن) صحونه
امدحه يوم(ن) في راسه نعاره
ومدح اللي مدحنا يستاهلونه

والصحيح ان زبدت الهرج اختصاره
عاش من كل النشاما يمدحونه
قالها اللي شب لا لا مداح ناره
ماقصد من كان غيره يقصدونه

حرب الحرايب – الشيلات

جمهورها ربعي من يسار ويمين
حرب الحرايب عزوتي هم جنبها

ربعي لهم في كل طلب راهين
جمع طواغيت المعارك رهبها

هلا هلا بمرجحات الموازين
حمر وسيمتها لحرب ونسبها

جرد الرقاب مقوسات العرانين
لدوا ليا من الموده ندبها

جمهورها ربعي من يسار ويمين
حرب الحرايب عزوتي هم جنبها

فيها من القسوه وفيها من اللين
متجمعاتن بالتفاتة غضبها

تقبل مثل نفرة حجيجاً ملبين
من جاه علمك دومها ماقربها

مثل انتظام جيوش هتلر ببرلين
بمداقش خطاها ووحدات رتبها

كن الطهور خيام بدواً محيلين
في ديرة يم الزبيدي خضبها

بالوسم سالت واكتفى السيل سيلين
عقب المحلحل للخضار وقلبها

حمراً بحلاياها تحيلا المحلين
احلى من احلى ما تحاليه وابها

حمراً عوايدها تدق الميادين
كم مرهي من يوم تقبل عقبها

حاست نظام اللي على الفوز مرهين
واختلفت الحسبه على من حسبها

ربعي لهم في كل طوله براهين
جمعاً طواغيت المعارك رهبها

ربعي على كسب النواميس ضارين
والفاخره لأم المعارك جذبها

حراً ليا منه غدى العلم علمين
صعب المراكز بالمزاين كسبها

مبارك ولد فخري حفيد الميامين
بالحق جاب الجايزه ما نهبها

شارك بشوط ما دروا جاه من وين
واصعب فناجين التحدى شربها

على النقى والناس كلن معه عين
والناس محداً بالظليمه غلبها

حي ابلج النفس هلا الزين بالزين
مضايفه بأم المعارك نصبها

في جائزة من قام حكمه على الدين
بسطرها من اهلها سحبها

نافس بحمر غاليات المثامين
طير السعد قدام تجلب خضبها

ندحم بها هماه ونكحل بها عين
نفخر بها لاشاركت ونحفظها

اكبر مزاين في بلاد الحرمين
جوايزه لا وا هني من كسبها

مشعل بعث فيها الفخر للشريفين
كل القبايل شجعت منتدبها

هلا هلا بمرجحات الموازين
حمر وسيمتها لحرب ونسبها

جمهورها ربعي من يسار ويمين
حرب الحرايب عزوتي هم جنبها

الا يا هاجسي – الشيلات

ألا ياهاجسي هبت هبوبك مع هبوب النود
هات الجزال اللي لا سمعه الناقد ما ينتقد

دعيتها للي دعاني ثم جت يمي ورود
ينصت لها السامع من الشاعر ليا منه قصد

وان زاحلت عالت مكاب الخيل وارقبها سنود
تملك سلالات الذهب تقدم ولاتحسب لاحد

اعرض بشعل ما ينافسها من الذيدان ذود
على اسمها واللي ينافسها على الجره قعد

جت مرعبات الخصم في الميدان واللجنة شهود
يوم اقبلت تقول ضباط لقادات استعد

وخشومها ما كنها الا سلة السيف محدود
وخدودها ولحيها في غيرها ما تنوجد

جود الركاب طوالها ثلاثة امتار و زود
والروس روس فحول يزهاها الجمال المنفرد

الحاكمه في وسطها والعود في عين الحسود
الخصم لا من شافها دمه بشريانه جمد

ياللي تبون الفوز قدام وترى الدعوه صمود
جتكم مخيبة المنافس لو تحيزم واجتهد

يا اهل المداحم والشعر لاحك عود راس عود
كلا يحسب حسابه ويقدم ليا حان الوعد

جتكم مهيبة الخصم جتكم مفطرة التسبود
وسط المداحم خصمها اما انسحب ولا ابتعد

ياللي تعاندها تقدم والوعد خلف النفود
المركز الاول لها لو كان زادوا في العدد

انتم سلايل محتمين النوق من عصر الجدود
من طيبهم قاموا يتلون البناخي والولد

يا لابة لا ثارت الهيجاء ترد ام القعود
برقا وروق اللي يعاديهم من الذل يخمد

واليوم في حكم السعودية وحكم آل السعود
اللي يحكمون البلد واللي يصونون البلد

علي الحرام وذمتي ذمة – الشيلات

يالله لاتقطع الاخبار من يمه
اللي ذبحني وغربلني وعناني

مايسعد الا يامن قال من فمه
انا بخير وعلى شوفتك ولهاني

يالله لاتقطع الاخبار من يمه
اللي ذبحني وغربلني وعناني

مايسعد القلب لين يقول من فمه
انا بخير وعلى شوفتك ولهاني

لاشافه اللي يحبه ينجلي همه
ويغني من الوله يادان ياداني

وانا ادري انه بعيد ولاني بيمه
دونه تقاليد واقفةً تحداني

لكن علي الحرام وذمتي ذمه
ما اتركك يبو عيون سود وحداني

اعيد مافاتني وابذلك الهمه
ماهي بليه اترك اللي عاش من شاني

دامي نصفت الطريق وحروت القمه
ماني مجنب لو انه يقطع لساني

درباً بديته يا خلي لازم اتمه
طبعاً ورثته من بويا و جداني

يانور عيني غلا والا وفاء سمه
بس المهم اعرف المجني من الجاني

ياليت وقتي يوردني على الجمه
واخذ نصيبي من الدنيا ولا اعاني

قبل اتهور واجيب لنفسي مطمه
والا يجور الزمن واعيش وحداني

يالله لاتقطع الاخبار من يمه
اللي ذبحني وغربلني وعناني

حبيبي شرب شاهي بنعناع – الشيلات

حبيبي شرب شاهي بالنعناع
وأنا شاهي أحمر شربوني

وبعض الناس سوى مثل عنتر
على شيبوب لا شئ صاب عبلة

حبيبي سكن في قصر عالي
وأنا في خنادق سكنوني

وبعض الناس سوى مثل عنتر
على شيبوب لا شئ صاب عبلة

طلعت الجبل لما أعتليته
وفي نصف ساعة نزلوني

وبعض الناس سوى مثل عنتر
على شيبوب لا شئ صاب عبلة

حبيبي معذب في حياته
وأنا في حياتي عذبوني

وبعض الناس سوى مثل عنتر
على شيبوب لا شئ صاب عبلة

حبيبي ركب لكزز عماني
وأنا في تويوتا ركبوني

وبعض الناس سوى مثل عنتر
على شيبوب لا شئ صاب عبلة

هزني بالحشا – الشيلات

هزني في الحشا خافقي واستقر وسط روضه لها كل سحر بديع
ما مثلها على دنيتي اي بر ريفها والحضر تهتوي ترابها

للفلا ياملا لا ولا به مفر زود شوقي لها شوق طفلٍ رضيع
كلما حدني صوبها واستعر طاب طيف المحبة واطيابها

هاوي مقناص انا من زمان الصغر وافيٍ العهد احفظ ما ابيع
دوم ارسم عليها من معاني الصور كل شيهانة حازت اعجابها

جيت اصيد الظبى وارتجي هالْحَوَر صادني بالعنا وانا قلبي وديع
قلت يا اهل الوفا وش يصيد الصقر غير إماله جمعنا بها اسبابها

لآبغيت احتري وعدها المنتظر وش يداري خفوقٍ عليها يضيع
دلةٍ باللقا شب نار السحر خيمتي راحتي فوق محرابها

من علوم الرجال اسمع احلى خبربين ربع لهم المكان الرفيع
ناسٍ ازكى بيوت الجزايل درر المعالي ترامى على اجنابها

ان تطول الدروب صرت ناوي السفر والله ما همني كل رحبٍ وسيع
والليالي الطوال طاب فيها السهر والمحب يا عرب صار ادرى بها

يا سلامي لها عد قطر المطر وكل وصف حوى زينها فالجميع
دونها ديرتي والله مالي وطر مامثلها ابد تجمع احبابها

تكفى تعال – الشيلات

تكفى تعال وناظر عيون مغليك .. حتى تعرف اللي يحبك ويهواك
يا من على مر الليالي أناديك .. أرجي وصالك وانت هايم بدنياك

وين انت قلي يالغلا وين أراضيك .. تدري أحبك واجرع الموت لرضاك
صحيح أنا قاسي ولكن أداريك .. وادري بهمك قبل تنطق شفاياك

اذا مرضت بضحكتي كنت اداويك .. تضحك واعرف ان الألم في حناياك
تذكر حبيبي قبل اشوفك والاقيك .. اذا زعلت تقول مشعل انا فداك

تذكر حبيبي بسواد الليل أناجيك .. من دون ذنب أمازحك واتبلاك
اذا تروح وتترك اللي مصافيك .. وشهي حياتي يا منى الورح لولاك

حسيبك الله دامني ميت فيك .. والله على هجر المحبين يجزاك
كانك نسيت اللي كتبته بأياديك .. على ذراعي خايف اني ابنساك

ما أنساك والله جعل ربي يخليك .. وتبقى سعيد بدنيتك واتحراك
هذي قصيدة في حياتك تناديك .. اذا ذكرت بغيبتك من تمناك
واذا نسيت اللي يحبك ويغليك .. الله على هجز المحبين يجزاك

جور الزمن – الشيلات

القلب من جور الزمن لاحقه كي
لا يازمن وش يخفي اليوم جورك

ان جيت أسلي خاطري تقفله بي
وان رحت أبسري للفضا غاب نورك

ويامعذب ٍ خلك بسبتك مبلي
لاتنشده عن حالته شف أمورك

حالي على حطة يدك مثل ماهي
مامن جديد ألا مشاريه شورك

ياما عطت لك ماتبي راحة يدي
وكم شال متني لجل خاطر شعورك

كم كنت في لقياك بالحييل مرهي
عاشق وتآسرني بنظرات حورك

اتعبت رجلي والشقا ماهو شوي
وروحي فداك اليا تمادت كسورك

لاشك نفسي بالخفا دوم ترجي
وصلك ولو هي باستطاعه تزورك

سهرت ليلي والسهر عادتن لي
عانقت حلمي واختفى من قصورك

ماهوب دايم لكن أن طعتني عي
لاياخذ العاذل مطاليب دورك

صفحة ظروف أحلامنا طاويه طي
من خوفتي تجتاح لحظة سرورك

واليوم تذبحني بصمتك وانا حي
يالله دخيلك زايد ٍ بك غرورك

اليا صار ماتقبل ظروفي ولاشي
عندي تساوا غيبتك مع حضورك

الصبر من قيض الحشا شد مبطي
منه الرسوم اللي بمثناة سورك

خطااكلكن عزتي شامخه فيّ
والقلب تذبح نبضته مع مرورك

واتسبدي – الشيلات

واتسبدي اللي من الهجران منفطره
واعيني اللي من الأحزان ماجفت

واروحي اللي من المحبوب منشطره
واكفي اللي عن الأبيات ماانكفت

اقرأ قديم الرسايل وأرجع لـعطره
وأصد وأخاف لا يدرون وأتلفت

عطشان ادور مابين أشياءها القطره
وأحاول أشعل شموع بايدها طفت

ذي حالتي وادري ان الحال ذي خطره
لكن ماأقدر جيوش الشوق قد صفت

وياعاذل القلب توه ماقضى وطره
عروسة أفراح قلبي تو ماانزفت

مازلت أخايل غيومه وارتجي مطره
وأرقب سنين العمر قدام وش خفت

طيره صغيره بالحاره – فارس مدني

طيره صغيره بالحارة
خلت بالقلب ناره
اردت شلون اعلمها اصول الحب واسراره

سارت حايرة ظنوني
هايم بيها مجنوني
يا أهل الهوى فهموني بلكن نشوف لك بشاره

بيها اشلون روحي تذوب
ماتفوت من دربي

خطوة بخطوة يلحقها
حد الباب وهم قلبي
وصارت تدري كل الناس بيها وانفضح حبي
حبي عبر كل حدود عجل نشره واخباره

طيره صغيره بالحارة
خلت بالقلب ناره
اردت شلون اعلمها اصول الحب واسراره

رقيقة بيها خفة دم
تذوب دون ما تعلم
ياريت بس من يفهم

دروس الحب وأفكاره
أول درس تعرفيه زين بوس الخد والشفتين والباقي يظل بعدين
غير اللي توج بناره

طيره صغيره بالحارة
خلت بالقلب ناره
اردت شلون اعلمها اصول الحب واسراره

z