نويت البعد – وليد الشامي

رسى موج ابحر من يم بيتك كأنه عن هوى الايام داري
وقفت اسألك لكن مادعيتك اخاف الشوق وحدود انكساري

ظميت ارجعك وارجع ما رويتك على كثر السواقي والخضاري
هجرت الوقت والدنيا وجيتك هقيت انك مثل روحي وداري

سألت الشوق عنك واحتريتك وراح الليل كله منت داري
لسان الحال يا خلي عطيتك ولكن للأسف هاك اعتذاري

طلبت كان تسمعني وليتك تعاف الجرح لو زاد احتضاري
انا ما ابي غلا يكفي فديتك ابي الفرقا على طول المساري

كثر كل شي واحشني – راشد الماجد

كثر كل شي واحشني
وكثر كل شي محتاجك
وكلام أكثر من الثنتين
كثر طيبك
كثر جودك
كثر ما شلتني بعينك
وصرت اشوفك الدنيا
واذا ضاقت بي الدنيا
اغمض عيني واحلم بك
واحاكي نفسي واتذكر
كلامك نظرتك حتى ابتسامك
من كثر روحي وغلاها
تشبهك حتى بعطاها
عاشقك ذابح احبك لا يتيتم مرتين

وصالي انت
وكل الناس
في غيابك ماهم هالناس
وفي وصالك
كل الناس
جميع الناس
تراهم انت!
وانا ما بين هالهاجس وهالهاجس
في لحظة نمت
وشفتك جيتني كلك
ومن فرحي بشوفك قمت
وقلت اهلاً وسهلاً شوق
وجيتك لين ما سلمت
وفي لحظة عرفته حلم
وغمضت الخيال ونمت
كثر كل شي واحشني
كثر كل شي انا احبك

خذ راحتك – راشد الماجد

خذ راحتك ماعادها تفرق معي
تبي تغيب ونفترق خذ راحتك
شكرا على ذوقك وبس لا تدعي
انك صريح وشكرا لصراحتك

ماكان غيرك في حياتي مطمعي
في قلبي الأوحد وقلبي ساحتك
من كل درب ودرب اسعي لك سعي
وامواج حبي من غلاك اجتاحتك

كم كنت احبك في الوعي واللاوعي
والارض ارضك والسما مساحتك
لك كنت خاتم وانت خاتم في اصبعي
واتعب على شانك وادور راحتك

وتشوف من فوق السحايب موقعي
الين طيحت النجوم وطاحتك
والحين ماعادت ترى تفرق معي
جنتك ما ابيها ولا تفاحتك

من يسرق القلب – بلقيس

راشد
ياسارق القلب رد القلب لي رده .. لا تروح عني وقلبي في سجن عينك
اختار يا ترد قلبي لي او توده .. في الحب حكّم قلبي بيني وبينك

بلقيس
من يسرق القلب لا يمكن لك يرده .. ياخذك كلك ولا تدري معه وينك
حتى الاحساسيس تلقاهم وسط يده .. بس يترك الشوق والدمعات في عينك

راشد
من يوم شفتك وقلبي مد لك يده .. والعين ذابت في روعة حسنك وزينك
فصلت قلبي على الحب وطلع قده .. وحطيت قلبي انا في راحة يمينك

بلقيس
من ود ودك وودك في الهوى وده .. لا تخلي البين يبني بينه وبينك
ما حد حدك ولا احد في الغلا حده .. زان بخفوقك وزان بخافقه زينك

راشد
بنيت بك حلم يالمحبوب لا تهده .. واجمل سنيني تغني لاجمل سنينك
حتى المكان اللي شفتك فيه من مده .. اسأله وينك وهو يسأل بعد وينك

بلقيس
درب الهوى صعب لو بتحاول الرده .. درب ينسيك في الدنيا عناوينك
يسعدك لكن يسم الحال ويهده .. والورد والشوق ينبت في بساتينك

راشد
حطيت لك الف عذرو قلت لك رده .. لا تخيب الظن لا تخذل محبيتك
للحين صابر واذا صبري وصل حده .. سلم على قلبي اللي في سجن عينك

بلقيس
لو الزمن يوم وقف ضدك وضده .. حاول تصده ولا تترك محبينك
لا ترخي حبل الغرام وترجع تشده .. ولا تسمح لاحد يدخل بينه وبينك

استجواب – راشد الماجد

الوصف فني يليق بام الوصايف هيا معي نستوجب الوصف هيا
من نحرها لي خصرها للردايف ما تمنعك شيمة عرب او حميا
الا اقبلت في الحفل والجو كايف وتقول من قدي يجيني هنيا
ضابط على الافراد يعطي وظايف ياعسكري ثابت تهيا تهيا

ورموشها حد السيوف الرهايف مقرونة الحاجب وطلقة محيا
و اشدي لها يا قلب ويش انت شايف ليل يزيد اللي غيا فيه غيه
وخدودها بين الهدب والشفايف مثل السحب بين الثرى والثريا
صحيح يمكن وصف الاشواق زايف لكن قلبي لو عذلتوه عيا

وانا على المقفي ما ازيد الحسايف لكن عليها كل حزني تهيا
صاحب يعينه بالظروف الكلايف ويصير اضحوكة لذيا وذيا
القلب والهجران ماهم ولايف واللي بليا احساس يبقى بليا
قالوا تريا قلت ياقلب خايف خايف اموت فرقاك وانا اتريا

حسبي عليك الله – بلقيس

دايم تبي تبعد ودايم تخلى
عني ولا تسأل وش اللي جرى لي
يا ناكرٍ عمري وحاشا وكلا
مامنّ قلبي بس منك اشتكى لي
اثرك ضحيت فيه والمشاعر تسلى
وانا الذي كنت احسبك راس مالي
جرحت قلبي وزدت الطين بله
واصبح يزود الجرح اول وتالي
حسبي عليك الله الذي عز وجلا
خليت زولك ساكنٍ في خيالي

قلبي مثل طفل صغير وزله
مالي بدرب الحب ما هو مجالي
يا لعن ابو حبٍ اذا عز ذله
ارخصت نفسي بعد ما كنت غالي
درس خذيته منك ما هو بسهله
بعض البشر حده كلام يقالي
ما يرحم الا الله وكبرك تعّلى
اسقيتني مرك وضيعت حالي
يا ما انصحوني من تغلى تخلى
ماكان يسمع قلبي ومايبالي

ماينعذر – خالد عبدالرحمن

ماينعذر قلب تولع في الغرام وما حسب
حسبت حسابات الضعيف الي تحت حرمه قوي
اثر على قلبي غلاه الي على العمر انكتب
وصارت حياتي تحت حكمه بالمحبه تنطوي

قولو لعذال الهوى كفو ملامات العتب
بالحب مايفرق هوى المجنون والعقل السوي
والي يدور له سبب يلقى لها دار وسبب

وانسى الامور الي تسبب في حياتك تعب
لان الخوي في حزه الضيقات مايلقى خوي

واكبر علامات التصنع في حياتك والعجب
تترك قناعاتك وتمشي درب ما لا تحتوي
من اجل عينه كل ها العام بكبره والعرب
عندي رضاهم والزعل في خلي مستوي
والي تعود على الضما
يصبر واذا منا شرب
مايشرب الا من قرى
حنها منها يرتوي

والسما علامات الامانه
كلمه صدقه وكذب
تعرف بها الي قالها
وش مستواه التربوي

والي تعنى في لهيب النار
وبجمرره لعب يلعب بنار
يمكن انه من لضاها يكتوي

والي ترك طيفه في بالي يوم وعني ذهب
يدري بانه القلب من نشوه غرامه يحتوي
الي حنانه وسط نبض القلب والدم انسكب
واجبر ضلوعي من غلاه ومن ولاهها تنزوي

والي دخل فوق الجبال اكيد قلبه يرتهب
يسمع صدى صوت الذياب الي ممن الجوع تعوي
والي اخذ لحظه قراراته مع ساعه غضب
يمكن يمر بمرحله لحظه ندمها مأسؤي
والمشكله الانسان كانه ماعلى نفسه غلب
يصعب على نفسي تشوف انسان همه دنيوي

خانات الذكريات – خالد عبدالرحمن

قول قول قول
وش بقول في غيابك لا نشدني العذول
كيف ابقوى على صوتي واردد رحل

ياخي قل لي بربك وقتها وش اقول
ودي اكذب واقول فراقنا ماحصل
المح فكل عين طالعتني فضول

كل صوت سمعته حتى لو هو ما سأل
كنه يقول حب ومالقى له قبول
اصعب من المفارق نظرة اللي عدل

ليت لي ذنب يستاهل ثقيل الحمول
كان يكفي المعاتب عن كثير الجدل
ليت لك عذر اقول ايام هم وتزول

حتى لو ما بقى للحزن فيني محل
بسدل الجرح لو للحب باقي فصول
دام كل يقول ان الفراق اكتمل

واتحرى لقاك ولو غيابك يطول
كل شي يموت ولا يموت الأمل
المح في كل عين طالعتني فصول
كل صوت سمعته حتى لو ما سأل

هزني صوتك – عبدالله الرويشد

خاب ظني في بعادك انتحر واقول بلوه وما أمرها
اذا غبيت عني يستوي صبحي مثل ليلي واشواقي جمرها

هزني صوتك مثل ورق الحمام .. وامطرت بالروح أكثر من سحابة
كنت بحرك والعيون اللي تراك .. كنت صوتك كنت حلمك في حضوره او غيابه

لا تملني انتشي بحبك واصير أوراق … لا تملني انت كل فرحة أمرها
ضحكتي وياك أسفار وبحر وبلاد .. لو تملني ياهي غصة وما أمرها

انت عمري الجاي واحلامي وأمرها .. خاب ظني
ارتجي طيفك واسولف لك تعال .. لا هنا نومي ولا شفت الوسادة
كنت روحي قلت من مليون عام .. انت روحي ورجفة قليبي وشبابه

ملك بالحب – عبدالله الرويشد

وحدي في حزني مالي وصفٍ ولا ند
وافراحي تعرفني انا ابنها البار
حنون من طبعي ولا ابيح السد
واللي ظلمني عنه انا اقدم اعذار

أحلم وانا نايم بعصفور غرد
كنه يناجيني على جاله انهار
وافز أنادي بس هالحلم ما رد
أحلامي ألقاهاكتابات جدران

حزني من اللي شاف من روعته شد
قال انت أحزن مني وش باقي ما صار
قلت انتظر ما شفت دمعي على الخد
قال الا بمشي عل ألقى لي ديار

هذي حياتي حلم تتنفس الورد
واحيان هي اعصار في جوف اعصار
بس الملك لا دارت وحصحص الجد
يبقى ملك والغير يادوب تذكار

z