اوجه المعنى – رابح صقر

آه ليل يا ليل

اوجه المعنى على ما توجه … الله يسامحني على كل مافات
عديت في الميقات خمسين حجة … مرت علي صعبة وعدت سهالات
خذيت لي في فسحة العمر سجة … وياماجرالي باول العمر سجات
خليت هالراجل قفى مستلجه … ماعاد فيهم شدة للمهمات

من شاف قلبه بالعزيز متوجه … يموت من دونه ترى العز وقفات
الوقت ماكدر غديري ورجه … والعزم عزم اللي يشيل الثقيلات
الضعف مالي فيه والذل اهجه … والناس مثل البحر والصدق منجاة

احرص على اللي ؟ صدره يهجه … حرصي على المعنى وترتيب الأبيات
يقل قدر الشخص لا كثر هرجه … لله در اللي خذا الطيب بسكات
وعلم خفيف طار مع كل عجة … راس المعاني واختصار المسافات
من لاعسف خيل ولا شد سرجه … اقروا عليه الفاتحة والتحيات

شي في قلبي – وليد الشامي

شي في قلبي همس لي
قال لي ان انت بس لي
من عمر
انتظر
هذي اللحظه وجات

انت فرصة حُب جات بوقتها
مستحيل ارضى من ايديني تضيع
وانت فرحه كنت أبيها ونلتها
ياللي تكفيني عن العالم جميع

حلمي بحبك تحقق
قلبي اختار وتوفق
انت لي
بس لي
وهذا كل اللي ابيه

عاشقك ذايب بحبك مستميت اس
لو تدري حبيبي عن غلاك
اوعدك ابقى احبك ماحيت
يامطمني على قلبي معاك

اعشقك حتى الثماله
ابتعد عنْك استحاله
فرحتي
وراحتي
أمرها بيدينك انت

حبي لك مفروغ منه من زمان
غير قابل للتفاوض وقاش
ما تنازل عن غرامك مهما كان
ياحبيبي اما قلبك أو بلاش

الواقع – رابح صقر

اذا بنحكي عن الواقع كثير أشياء ما تنقال
واذا بنسكت كثير أشياء صعبة ينسكت عنها
وانا لا جيت ابشكي لك من الضيقة ورداة الحال
احس ان السوالف تختلف عن مقصدي منها

وش احكي لك عن الماضي سوى انه صار هالرجال
واشيلك على نفسي واقول الله يعاونها
ابي ابقى الحبيب اللي تخبره صادق ومازال
واخاف تجرحك بعض الحقايق لو ابينها

تطمن مابعد خنتك ولا حتى طرى عالبال
انا اللي كيف اتطمن وانا نفسي مخوفها
تسويها وتستريل وتفتح دفتر الاطلال
مادام ارتحت لك يارب سكنها مساكنها

ثقيل الحلم واحلامي بعيدة والدروب طوال
وانا ماودي احكيلك الين احلامي اضمنها
ابي لامن حكيت احكي ولا القى شي ما ينقال
وابي لا من سكت اسكت ونفسي راضي عنها

انا لا احتجت للحب – رابح صقر

انا لا احتجت للحب وحنانك .. لقيتك ابعد الناس بشعورك
انا اضحي في هالدنيا عشانك .. وانت تزيد بالصد وغرورك

احبك بس ما احس بأمانك .. أحسك عني مشغول بأمورك
ياليت تشوف قلبي في مكانك .. حياتي كلها لامرك وشورك

تعبت وضقت من قسوة زمانك .. ولا بين علي ظلمك وجورك
صبر قلبي ولا تغير وخانك .. ولا زان اللي يفرح في حضورك

يهمك أمري – رابح صقر

يهمك أمري ما ظنيت انا اظنك خلي احساس
سنين اتحمل وساكت ولا كلمتك وعاتبك
ولكن فاض بي ومليت ولاهزك شديد الباس
تعبت اهمالك الواضح ةضيق صدري مر الكبت

تعال نقلب الماضي تذكر لهفة الأنفاس
نلاقي نفسك بنفسك بعيد انت ولو قربت
من اللي قال لك اني أنا ايوب يا ابن الناس
ترى صبري وصل حده وانا من طول صبري شبت

حبيب الامس سامحني تعبت المر وسط الكاس
تعبت اغيب عن بالك وانا عن بالي ما قد غبت
ولكن بحسم الموقف ولو غصبٍ علي لا باس
مع انك اغلى ما عندي انا منك وعنك تبت

الدنيا ما تسوى – رابح صقر

ياعمري الدنيا ماتسوى تنام وخاطرك زعلان
ولا به شي يستاهل يخلي قلبك يعاني
طلبتك ان كان لي خاطر تبعد عنك الاحزان
فديت عيونك الحلوة تبسم لو على شاني

حبيبي صار لي مدة اشوفك تايه وحيران
وانا والله لو شفتك حزين تزود احزاني
انا احبك ولا ودي تعيش بدنيتك ندمان
ترى الايام محسوبة وتالي هالعمر فاني

تصدق بسمتك والله تفرح خاطري الولهان
يطير من الفرح قلبي واصير بعالمٍ ثاني
ولا من شفتك بضيقه أحس اني أنا الغلطان
اعاتب نفسي بنفسي ولو ما كنت انا الجاني

غلاك بداخل عروقي ولا يوصل غلاك انسان
يمر الوقت ويثبت لك غلاك ان الله احياني
بضحي بعمري لعيونك تنام انت وانا سهران
وانادي جروحك ياقلبي وتجي واحد ورى الثاني

لو سأل – رابح صقر

هو لو سأل قلبي عرف اني انا اهواه
واني احبه واني اكثر شخص يتمناه

وان السنين اللي خذت مني كثير اشياء
خلت في قلبي الف طاري يحبه .. يوده .. يموت فيه

من كثر ما احبه ومن كثر السعي لرضاه
كن نيتي مو كني احيا العمر في رجواه

كني اشوف الناس واجد بس في لقياه
كل مابي يحبه يوده يموت فيه

يستاهل – رابح صقر

يستاهل الطيب يا اهل الطيب من حازه ..لا خير في واحد ماهو بحايزها
اسحب على اللي سحب خله ومركازه ..انصب عليه النصايب نصب واركزها
الرفقه الطارفه مالي بها عازه .. ولا هيب صعبه على مثلي يتجاوزها
وشلون تصعب على اللي حقق انجازه .. والناس بيديا عاجنها وخابزها

بالله يجهز لمثل اليوم مجهازه .. يرتاح وباقي اموره له يجهزها
ويامسهل الحب ولكن يا مصعب الغازه .. وانا من الناس عارفها وراوزها
السور السور الشرف والعز دروازه .. والكفو قد المهمه قرب ينجزها
واللي رفع في سنام العز مركازه .. الا يغيض اهل المراكز في مراكزها

والعز وقفه ويزهل العز من فازه .. لا خير في واحد ماهوب حايزها
كل تسند على الدنيا بعكازه .. وانا العصا اللي عصتني ما اتعكزها
في الرمش راح الصدر واعزازه .. الحاجه اللي لغيري بعد ما انجزها
افرح بها فرحة اللي حقق انجازه .. كني ملكت السما والارض حايزها

واكايد الكايدة والطيب اعتازه .. واجالد الوقت والدنيا ابارزها
يستاهل الطيب يا اهل الطيب من حازه لا خير في واحد ماهوب حايزها
اسحب على اللي سحب خله ومركازه ..انصب عليه النصايب نصب واركزها

لا كتبتك بالرصاص – رابح صقر

لا كتبتك بالرصاص بدفتر احساسي ومحيتك
ارجع ادور بقايا اسمك بمحايتي
وما احس اني نسيت ولا احس اني قريتك
قد ما احس اني مدري منك وش هي غايتي

خايف اتمنى لقاك وما الاقيني لقيتك
عند حسن الظن وابلش وقتها في منيتي
وان نويت اجفاك قلي كيف ابضمن لا جفيتك
ما يرجعني شعوري بالندم عن نيتي

تدري ليه ان قلت اببعد عنك القى نفسي جيتك
لانك بكل اتجاهات الصدود مرايتي
ياللي كل اشباه وجهي تحكي عنك لا طريتك
وانت ماعمري على وجهك قريت حكايتي

ابتديت من عرفتك واشعر اني ما انتهيتك
واللي ما بين البداية والنهاية دنيتي
اكتبك فيها برصاص وكل ما تخطي محيتك
وتنكر سطوري غلاك وتعترف محايتي

لا تمنن – رابح صقر

لا تمنن بالمشاعر وانت مالك عندي منه
وش عطيت اكثر من اللي لك من الخافق عطيته
ماعطيت الا كلام وقلت لك مستغني عنه
كيف ارده لك وانا اصلا رفضت وماخذيته

انت يمكن صدق صادق بس صدقك ما كأنه
انت ياللي ما تشابه حرف واحد لي حكيته
مو مهم اللي تقوله قد وش بتسوي منه
مو مهم اللي تسوي قد هالفعله المويته

كل خير جاك مني لا تظنه جاك لانه
يحتري ردك قسم بالله ما عمري احتريته
جعل عمرك ما ترده بس حس وقدر انه
جاك من طيبي وحتى الشكر منك ما رجيته

ياحسافة بس قلبي انا تالي حس في ظنه
بعد كل اللي صنعته هذا كل اللي جنيته
وماهي منه والا تدري ليه ماهي منه منه
عطني كل اللي خذيت وخذ ولا شي عطيته

z