ابصم لك – خالد عبدالرحمن

غيرك ما طرى يا شوق
لولا حد بسماي بروق
ما للحب بعدك ذوق
ابصملك على العشره

زان الدهر ولا شان
فيك المغرم الولهان
دايم حيل لك شفقان
ابصملك على العشره

حبك مصدر الهامي
لاجله دايمٍ سامي
بلسم جرحي و آلالامي
ابصملك على العشره

لو العشق اظناني
ووصلك فيك عزاني
حبك سر وجداني
ابصم لك لى العشره

سيد الحب احسن بك النية – خالد عبدالرحمن

أحسن بك النية وتفتح علي أبواب
باب النكد يا عجل ما تفتح أبوابه
إن جيت أبين لك على رغبتي بأسباب
أخطيت في تقدير ظني مع أسبابه

خليتني أخشاك ما كننا أحباب
متعوس قلب ٍ ما توفق مع أحبابه
وإليا بغيت أطلب حسبت ألف وألف حساب
يرضيك من حبك معك يسقط حسابه

إن قلت لك مرتاح والله أنا كذاب
وإن كان روحي سرها البعد كذابه
الشوق يدني ربع من طولوا غيّاب
والشوق يذبح لي تباطوه غيّابه

أقولها لك والنفس تحفظ لك الترحاب
يسودها فكر ٍ عطاك كل ترحابه
إني بحبك سيد الحب ولا ترتاب
أسكنك يا حب ٍ هجد نفس مرتابه

اصدق معاذيري – خالد عبدالرحمن

أن كان حبي لك هو أعظم خطاياي … ما أقول يا نفسي عن الحب توبي
أجمل خطاياي وآخر حدود دنياي … وأصدق معاذيري وأطهر ذنوبي

نزعات روحي لك تباري نواياي … والقلب يمّك والمشاعر سعوا بي
حبٍ لك الله ماكنٍ في حناياي … أبيه لو ضعفي بأكبر عيوبي

كل الهوى والحب باقي بقاياي … خذت أوّله وأتلاه وأقول دوبي
ومن له مثل حبي يسوّي سواياي … ياصل مواصيلي ويسلك دروبي

الذاهبه – خالد عبدالرحمن

الله اللي راد والعقده قضاها اللي عقدها
لاعلى الدنيا سلام ولالباقي العمر زينه
الفضا ماكنه الا خيمه طاحت عمدها
والفرح ماكنه الا شيخ انقصت يدينه

والعمر قطعه زجاج انكسرت ولاطال امدها
والعرب في العيد بدموع اليتامى مستهينه
والشوارع لفها ثوب الظلام اللي هجدها
والبيوت اطلال من عقب المحبه والسكينه

والشتا والليل والبرد وسما يصرخ رعدها
والعيون اللي ورا الشباك مذعوره حزينه
طولوا بالكهف الاصحاب وبقت روحي وحدها
كنها في كوكب ثاني خلا من ساكنينه

الوداع اللي بعلم العين يعبر من رمدها
والوداع اللي بلا علم الفا في صدري غبينه
والوداع اللي بلا رجعه علي امر وادها
والله انه غرغرت سم وسكاكين سنينه

والعنود اللي جفيت الناس والدنيا بعدها
مدت الفرقا لغاليها وهي تعطي الثمينه
وينها كيف تركتني ليه ماجت في وعدها
والقمر لا طل وخابرها تجي بيني وبينه

رحت انادي واتلمس في مهب الريح يدها
كني حصان بلا صاحب طوى البيدا حنينه
رحت اصيح الصبح وينه والعرب مارد احدها
ماسمعت الا صدى صوتي يقول الصبح وينه

كلهم من يوم ذيك الشمس غابت عن بلدها
طلعوني بالنفود وصكوا ابواب المدينه
كلهم من يوم ذيك الذاهبه محد وجدها
كل رجال من الشرهه قلع في الدرب عينه

اثرها ماتت وماتت كل فرحه في مهدها
والربيع اقفت به اللي كانت التاج لجبينه
جاورت عقب الحدايق حفره ماقسى لحدها
حفره ماني مصدق كيف ضمت ياسمينه

للحزن فيني مثل ماللطهاره في جسدها
ويش اسوي لافتشت اللي لها وسط الخزينه
زخرفت حلم وبنت له مسكن وسمت ولدها
آه لو غرت ولدها في خميله والدينه

عاهدتني وقفرت بيمين اقوى من عهدها
والصبي لاخير فيه ان كان مانفذ يمينه
ماتثقا عن رثاها عرق اقتض بشهدها
ولا تبقى خلف قضبان الجفن عذرى سجينه

كيف عند العالم ايام العزى ماحصى عددها
ولا انا طالت شبوره والله اعلم كم سنينه
لا الثرى فيها نبات ولا المشيخ اخفف نكدها
لا السما فيها طيور ولا البحر يمه سفينه

لا القمر هذا مساه ولا الاسي هذا ارغدها
لا الزهر هذا شذاه ولا الذهب هذا رنينه
قالوا الشيخ الفلاني مرجع القوم وسندها
قال لي ابشر بالعوض والعلم جيناه ناقلينه

ساق لك بدر البدور اللي نشدها من نشدها
جادر هزت عروش وخيبت روس ذهينه
قسمها في رسمها في جسمها الا في رشدها
واسمها ان جا للغضب قومه على الالسن رطينه

اترك الناي وعطيه شيخنا غنى لسعدها
وانبسط ياعم وانسى اللي ورا التربه دفينه
قلت ولصدري تناهيد تروع من شهدها
آه واويلاه من يجلب على قلبي ظنينه

خلوا اغلى ذاهبه ترعى ربيع اللي فقدها
والعطا راعيه محد صوبه الله لايهينه
لو ضمنت الجنه تفاحه القلب وشهدها
قلت من بكره عسى مجنونها تاقف سنينه

الطرف الحنون – خالد عبدالرحمن

جازت النظرة من الطرف الحنون .. جاز لي باقي حلاك وحشمتك
يوم كلّ ٍ بالنظر عينه تخون .. شفت فيك اللي عصمها نظرتك

يا غريب ٍ عن عيوني من تكون .. أنت كل الزين كمّل صورتك
منك أنا برسم على حرفي فنون .. والفنون أشكال وفنك قبلتك

العقل ما به حلي فال الجنون .. وأدري أنه ما تعوّض صحبتك
جاز لي وصفك وأنا اللي ما أمون .. بس تقبّل ما كتبته فدوتك

العطا – خالد عبدالرحمن

العطا
ما تبادلنا العطا
والخطا
لا حشا ما أخطي عليك
بي سطا
جرحك بإحساسي سطا
يا عطا
أول عطا منك الخطا

أحبك لو تجافيني
وعلى كل الخطى مسامح
أحبك يا نظر عيني
ورضاك ألزم
ولكني فقير الحظ
أنا لك أكثري تجريح
ترى حبك
بيشفعلك أحبك
ذوب خفوقي الشوق
و إنتي معي يا شوق
يحلى لحياتي الذوق
طعم السعادة بك

لك خفوقي
إشتقى
ثم إهتنابك
في عروقي
دمي الجاري إغتذابك
ولاح شوفي
في سما كل البشر
غير زولك
ماملى أحد النظر
جددي فيني
حياتي باللقى

آهات من طول العنا – خالد عبدالرحمن

آهات من طول العنا طاولتني
ونفسي من الفرقا وحالي سخيفه

جارت علي من الفراق و قصتني
غزت ولكن مانوت بالنكيفه

بهمومها اللي شفت منها كوتني
هذا الذي خلا حياتي مخيفه

باكر يروعني وانا فيه فتني
واقول ليت الغيب يبخل بحيفه

خيل السعاده بالهوى خالفتني
خالفت معها عيد قلبي وريفه

هبت هبوب بالنيا عطشتني
وكم غالي قبلي ظما من وليفه

ليت الليالي عن غرامي نهتني
ولا بدا زرع الامل منك هيفه

والا انها في غايتي خيرتني
واختار انا مرباع قلبي وصيفه

خل جيوشه بالمحبه غزتني
وانا اسير للعيون العفيفه

اغلى هجوس طول الايام جتني
ماكل هجوس اللي تجيني بطيفه

الماضيات بغيبها ما انصفتني
والمقبلات ارجي عدلها خريفه

اتبع ظنون بالهوى ماشفتني
واحسب حمولي بالمحبه خفيفه

واليوم ظالمة المحبه طوتني
طي الورق يوم انطوى به خريفه

واشباح ياسي بالهموم اعترتني
وانا علي اسباب صدك كليفه

اشيل حتفي راضي فوق متني
واروح نفسي من حياتي معيفه

واقول للي بالجفا عذبتني
عسى الشقا من بيننا بالنصيفه

شربت من فيض الشقا واشبعتني
دنيا مع الاحزان ضدي حليفه

انتي أجمل – خالد عبدالرحمن

انتي اجمل حب واحساس وشعور
الغلا اكبر من اني اوصفه
انتي اكبر هم عشته في سرور
والاسىى ماكان قلبي يعرفه
انتي اجمل

انتي اصدق جرح يامسك العطور
انزفه بعدك وقربك انزفه
انتي اكثر من تعامل بالغرور
والتعالي شين اسوأهم صفه
انتي اجمل

انتي النورين منك النور نور
في غيابك وبصدودك مسرفه
انتي الدنيا متاعي والحضور
عاشقً حبك تحدد موقفه
انتي اجمل

انتي آخر من كتبته في سطور
حطم احلامي بصورة مؤسفه
انتي اغلى لكن الدنيا تدور
موعدك اوعدك ماراح اصدفه
انتي اجمل

تذكار – خالد عبدالرحمن

تذكار عيشي على التذكار وإن كان يحصل لك تناسيها
بفراق تالي انتهت الأخبار عِشرة حياتي اليوم ماضيها

لا تحسبي سرّك من الأسرار اللي على الجنسين تفشيها
منك الخطايا انتهت بأعذار وعيونك النكران معميها

قلبك من أحداث الفشل محتار تستخسري خطوة مشيتيها
ما يهتني منهو غريب الدار مثلك غريبة وسط أهاليها

وأنا اللي فيني من الجروح كثار لا أنتي ولا غيرك يداويها
الله حسيبك كيف قلبك صار باع المحبة وأشترى فيها

صرنا على هذي السوايا كبار قبلك عذارى ما مشوا فيها
هل هي عطش هل هي تسالي صغار هذي السوايا من يسوّيها

تخير بي – خالد عبدالرحمن

تخير بي والبي لك وكل العمر انا اهديلك
لعينك كل شي فـداك

سحرني فيك منطوقك ونورك لا سفر شروقك
عليك الله ما احلاك

ابي منك تصافيني ولاتفكر تجافيني
احبك واعشقك واهواك

على حلي وترحالي اشوفك كل امالي
بهالدنيا محد يسواك

z