يا شمس عمري – وليد الشامي

ياشمس عمري يالغلا نور دنياي
ياراس مالي يا مزاجي ادلاله
حبك ملاذي منبع الفرح ملجاي
ما يرتضي ربدان غيرك مناله

حبك سعادة قلب حبك هناياي
ومحجر عيونك للنواظر اطلاله
دربك هو حبيبي يوردني الماي
ودروب غيرك يابسات وعباله

كانك لسمعي عازف العود والناي

صوت غذا للروح في كل حاله
انت نهاري سيدي نور دنياي
وانته الحبيب اللي نحب ونناله

اشري هواكم والغلا بماي عيناي
واشري التراب اللي جدمكم وطى له
هذا الغلا من مهجتي ياك مدعاي
من رمش عينك والهدب صاد فاله