يا خاطري لا تضيق – الشيلات

ياخاطري لا تضيق الله يرضى عليك
الناس قامت وطاحت دون رغباتها
وياقلب لا تحترق لو شعلت النار فيك
لا تفرح اعداك حاسدها وشماتها

لو ان ظروفك سواة المسبحة في يديك
ما سمعوا الناس في جوفك تنهاتها
وان كانوا باعوك خلان الرخا يشتريك
اللي يدور رضا عينك ومشهاتها

البارحة يا نديم الليل قمت احتريك
ابيك في سمرة الخلان محذاتها
عز الله اني على وضح النقا مهتويك
ومخيرك من وفا الخوة وشيماتها

اارب نفس الشعور اللي يجيني يجيك
نبني حسناتها ونمحي سياتها
ماعندي أسرار من دونك ولا لك شريك
راجعت نفسي قبل لا اعطي قراراتها

دخلت كلية أطوال المشاريب ذيك
واصبحت خريج قسوتها ومأساتها
البدو تضرب مثايلها على مسمعيك
لا ترخص بعيرها وتطير في شاتها

واستغفرك ياعظيم الملك واتوب اليك
واغفر لنفسي خطاياها وزلاتها