يالهجر ما نبغاك – غريب ال مخلص

يالهجر والله مانبغاك
ليتك تفارق وتعفيني
يكفيني اللي على ممشاك
سيّر خطاه ويجافيني

انثر دموعي على طرياك
يالخل طالت بي سنيني
والروح تسعى ورى لقياك
ياليت مثلك به اثنيني

لان كان نبدي على مغزاك
وندل دربك على ويني
لكن مامثلك و شرواك
حبك سكن في شرايني

وامسيت تايه على ماطاك
اللي يضيّع ويهديني
عجزت وآنا على شدواك
ماكنك إلا تناديني

لازلت في سيرتك واهواك
والليل عيّا يخاويني
ايقول ماقوى على مسراك
مدري على وين حاديني

أحس في همسك ونجواك
وآجر صوتي وتلحيني
لعل صوتي يجيب مناك
ويحن قلبك وتاويني

واجمع يمينك مع يسراك
واذبحك يالهجر بيديني

لان كان نبدي على مغزاك
وندل دربك على ويني
لكن مامثلك و شرواك
حبك سكن في شرايني