يارحمة الموت – مزعل فرحان

 يارحمة الموت من فرقاه زوريني

الموت اهون ولا دنياي من دونه

يا رحمه الموت عقبه لا تخليني

اموت لي من فقدت الصوت واعيونه

الناس واجد وغيره ما ملا عيني

كل الملا في عيوني ما يساونه

ابكيه وادري مثلي ما ابكيه يبكيني

مفتون بي والجوارح فيه مفتونه

لا غاب زادت مآسي حيرتي فيني

والعين تسهر من الحرمان مغبونه

ما اقوى العزى عن حبيبي من يعزيني

مشاعري باتجاهه حيل مرهونه

ما خانني وما نوى في يوم يجفيني

واللي وفاء لي حشا بالله ما اخونه

سافر وحانت ضروفه بينه وبيني

والقلب بيح من الحرمان مكنونه

كل الصور والرسايل ما تكفيني

الموت اهون ولا دنياي من دونه