نسيت النوم – رضا

يحتاجوا حضن يضمهم … يجونى يشكوا همهم
أسيب دموعى تشتكى … و امسح بإيدى دمعهم
و اطبطب ع اللى قلبه حزين … و أصبر ناس و أريح ناس
و أجيب صبر لده كله منين ؟ … أنا موجوع تعبت خلاص

نسيت النوم … ويوم ورا يوم
هموم بالكوم … وأدور ع اللى حبونى
شبعت عذاب … بأدق الباب
مافيش احباب … مافيش غير دمع فى عيونى

حاولت اهرب من الألم … داويت جراح اللى اتظلم
احلم بقلب يحبنى … و أصحى على صرخة ندم
يعدى كل يوم و يفوت … واقول بكرة اكيد حارتاح
حبايبى ليه سابونى باموت … خلاص زمان الحبايب راح