like-empty

كلمات

klmat.com

sun

من جبينك الوضاح

من جبينك الوضّاح محسود القمر مخجول مالو عين فيك يطل

قالوا صباح الفل بهجة للنظر أحلى صباحك من صباح الفل

قالوا البنفسج ريحتو حلوة كثير من البنفسج ريحتك أحلا

وين عندو مثل ما عندك عبير غيرك عبير الحب ما استحلا

قالو النغم بالناي بيبكّي الحجر من الناي مرة ما بكي قلبي

نغمات صوتك ما حلم فيها وتر كلها حنين و شوق و محبة

قالوا غني البيكون عندو قصور لا يا حلوة المال مش ثروة

انتي الغنية بالمحبة و بالشعور بالحنين و بروحك الحلوة

like-empty

كلمات وديع الصافي

جاري التحميل...