ما اوصيك – رباب

ما أوصيك بفؤادي وانت ما تبغي وصيه ..

عنك أبرحل وابتعادي خلفه اسباب قويه
برحل وحبك بلادي وانت خذ قلبي هديه
بس أمانه يا ودادي يا ضي عمري وفيه
ما أوصيك بفؤادي وانت ما تبغي وصيه ..

من رحيلي لين اشوفك كيف ابتحمل عذابي
وش بسوي بطيوفك والوله لو دق بابي
في ظروفي وفي ظروفك يالله يهون مصابي
يا عسى عينه تحوفك ويحفظك دوم بغيابي ..

الله يعلم كم يا غالي راح توحشني عيونك
كل ما تطري في بالي بسمتك طيبتك جنونك
كيف لا وانا لحالي كثر ما احبك واصونك
حتى في سجت خيالي ما اتخيلني بدونك
عنك ابرحل وابتعادي خلفه اسباب قويه ..