كل شي راح – باسم الكربلائي
كل شي راح لحظة غيابك
واستراح گلبي ابعذابك
حتى لو ترجع لي ثاني
راح اگول طيفك اجاني
ايست ترجع يغالي .. حتى لو گالوا رجع
نظرتك نظرة نهايه .. ووجهك ابصدري انطبع
يمه من غابت شمسنه .. بالافق نحرك طلع
انته لو باقي اعله مهرك .. ليش انه گلبي وگع
يمه خاف … عالغبره واگع
يمه خاف … ضامي و تنازع
واليموت مو انته اني
راح اگول طيفك اجاني
كل شي راح لحظة غيابك
واستراح گلبي بعذابك
حتى لو ترجع لي ثاني
راح اگول طيفك اجاني
من درت ظهرك عرفتك
للمصايب مستعد
اني ام گلبي يعلم
باليرد والما يرد
بس گلت عباس عنده
وابني عسكر مو فرد
يعني كل شر ما يصيبك
والگمر عنده زند
خوفي لا .. ذبحوا عضيدك
خوفي لا .. گطعوا وريدك
لاتموت موت الخذاني
وراح اگول طيفك اجاني
كل شي راح لحظة غيابك
واستراح گلبي ابعذابك
حتى لو ترجعلي ثاني
راح اگول طيفك اجاني
من اطب دارك كأني .. انظر ارماد الخيم
والصده يرعبني واسمع .. رگضة وسياط وألم
مرتين اجفوفي توگع .. لو جبت طاري العلم
يبني شو گلبي لچمني .. يمكن ابگلبك سهم
بالتراب .. تسعة اصابع
بالتراب .. خنصرها ضايع
صرت اشوف واني ابمكاني
راح اگول طيفك اجاني
كل شي راح لحظة غيابك
واستراح كلبي ابعذابك
حتى لو ترجعلي ثاني
راح اكول طيفك اجاني
اكتبت مره ابطريقك .. ابني رد من السفر
والهوه هب وگلبها .. ولانهه مكتوبه نحر
واكتبت زينب اميره .. واشعر ابوجهي انسطر
گلبي حاس .. زينب سبيه
گلبي حاس .. حرت من اديه
ياللي ماردك حناني
راح اگول طيفك اجاني
كل شي راح لحظة غيابك
واستراح گلبي ابعذابك
حتى لو ترجعلي ثاني
راح اگول طيفك اجاني
لو صدگ ترجعلي يبني .. حته افرح وابتسم
لا تظن افرح ب أخوتك .. هوه بس انته المهم
ما ترد يحسين اعرفك .. لا حقيقه ولا حلم
يولدي وهوايه صعبه .. يصفه بيتي ابلا زلم
ها يموت .. شو ما تجيني
ها يموت .. راحوا بنيني
ابني وين يلهج لساني
راح اگول طيفك اجاني
كل شي راح لحظة غيابك
واستراح گلبي ابعذابك
حتى لو ترجعلي ثاني
راح اگول طيفك اجاني
اعرفت ميت يمه .. نزلت ايدي من الدعه
والمهم راضي عليه .. و راضي عن الاربعه
والله من گالولي ظهرك .. منحني ع المشرعه
انحنه ظهري ولهسه .. امشي واني راكعه
اشباقي بيك .. من الحوافر
اشباقي بيك .. مو انته صاير
ليش اعيش مدري شإجاني
راح اگول طيفك اجاني
كل شي راح لحظة غيابك .. واستراح گلبي ابعذابك
حتى لو ترجعلي ثاني .. راح اگول طيفك اجاني
اني مامكسور صدري .. لكن اشعر بالكسر
چن عشر خياله تسحگ .. صدري كل يوم الظهر
واعرفت هاي النهايه .. وملتقانه بالكبر
والشمر گالولي بالطف .. بعني زينب باليسر
ياحسين .. فدوه لترابك
ياحسين .. سلبوا ثيابك
ما اگول بُعدك عماني
راح اگول طيفك اجاني
كل شي راح لحظة غيابك
واستراح گلبي ابعذابك
حتى لو ترجعلي ثاني
راح اگول طيفك اجاني
كلمات: عبدالخالق المحنه
2018
قارورة – باسم الكربلائي
اللهم صل على محمد وال محمد الائمة والمهديين وسلم تسليما
بالتوفيق صوت رائع وجميل جدا وحنجرة ذهبيه بالتوفيق ملا والنجاح الدائم أن شاء الله
احساس راقي والكلمات ارقى ربي يحفظ الشاعر والرادود منن من البصره