كل الاحبه اتنين – سيد مكاوي
كل الاحبة اتنين اتنين وانت يا قلبي حبيبك فين
يطلع عليَ البدر جميل يا بدر مالي انا ومالك
ماليش يا بدر نديم وخليل اوريه ويوريني جمالك
نورك يا بدر يزيد
وتبقى ليلة عيد
ليلة ما تطلع على قلبين اتنين اتنين
وانت يا قلبي حبيبك فين
افوت على الورد الفتان ولونه يفرح كل حزين
يا ورد تهدى للخلان واهديك انا يا ورد لمين
يامفرح الاحباب
بلونك الجذاب
يا فرحة تطلع على الفين اتنين اتنين
وانت يا قلبي حبايبك فين
على البحورالناس في نعيم واسرح انا لوحدي واهيم
يسري النسيم ساحر فتان يداعب الموج الشفاف
انظر واتحسر
من حسن دا المنظر
واقول ياريتا كنا اتنين اتنين
وانت يا قلبي حبيبك فين
يا قلبي ده حظك خليك فريد وحدك
اصبرعلى كاسك واشرب على قدك
يجي الهنا في غمضة العين
والمر يحلى لي
في كاسين اتنين اتنين
وانت يا قلبي حبيبك فين
كلمات: بيرم التونسي
ألحان: زكريا احمد
الليلة الكبيرة (اوبريت) – سيد مكاو