like-empty

كلمات

klmat.com

sun
اذا قسى وقتك وبالضيم حسيت
وبك ضاقت الدنيا على غير برهان
ولقيت نفسك بين يمكن وياليت
ومابين قسوة صاحب وبين خذلان

فلا تنحني للريح الى تنويت
ولا يهمك لو يقولون غلطان
صادم زمانك كل مارحت أو جيت
ابعزم وابهمه وبعيار مليان

والعز عز النفس لا من تهقويت
لاصار لك في عالي المجد عنوان
والى وصلت الى النجوم وتساميت
زانت لك الدنيا على كل الاحيان

وماينفعك كثر الرجاء لو ترجيت
لاصار مالك صيت في كل ميدان
واما كسبت الطايله واستعزيت
غصب على اللي راضي وكل زعلان

والإ بتبقى حي اقرب الى الميت
تبقى على طول الليالي والإزمان
والناس ماترحم الى من ترديت
وقد قيل مابه نار من دون دخان
like-empty

كلمات خالد عبدالرحمن

جاري التحميل...