غني لي شويه شويه – أم كلثوم

غنّي لي شوية شوية … غنّي لي وخد عينيّ

خليني أقول ألحان … تتمايل لها السامعين
وترفرف لها الأغصان … النرجس مع الياسمين
وتسافر بها الركبان … طاوين المواكب طيّ

شوي شوي … شوي شوي

المغنى حياة الروح … يسمعها العليل تشفيه
وتداوي كبد مجروح … تحتار الأطبّة فيه
وتخلي ظلام اللّيل … في عيون الحبايب ضيّ

شوي شوي … شوي شوي

لأغنّي واقول للطير … من بدري صباح الخير
والقمري مع الخضّير … ويّاي يردّو عليّ

شوي شوي … شوي شوي

أحلفلك بربّ البيت … يا مصدّق بربّ البيت
لاسحركم إذا غنّيت … وارقّص بنات الحيّ

شوي شوي … شوي شوي

لأغني واغني واغني … واوري الخلايق فني
والإنسي يقول للجني … والرايح يقول للجاي

المغنى حياة الروح … يسمعها العليل تشفيه
وتداوي كبد مجروح … تحتار الأطبّة فيه
وتخللي ظلام اللّيل … في عيون الحبايب ضيّ

شوي شوي … شوي شوي