طرف جفن عيني – خالد عبدالرحمن
طرّف جفـن عينـي لمكحولـة العيـن … عينـي ايقضت فينـي من الشوق ما كـان
خيط الولع خلاّني أتبـعـك يا زيـن … خيـطٍ جذب فـي خاطـري حـرّ وجـدان
راح الفكر ينـظـم مـن الشعر بيتيـن … شاقه بنظم الشعر مرسـوم الأعيان
شفت الحلـى فيها يوصـف بوصفـيـن … وصـف الحسـن و وصـفٍ يبيّـن لـهـا شـان
يا ظالمة غضّـي مـن الـطّرف تكـفين … لا تـودعـيـن النفـس لبيـض الأكـفان
يـا ماخذه بـلا عطا للـبـعد ويـن … توني معـك شفق مـا ذقـت سِلوان
اللـه وأكبـر ليـتـني معك وقـتـيـن … وقتٍ تعيـش النفـس بك حـلـو الأزمان
وقـتٍ نهاره ليل والعـين بالعيـن … أسهـر ونومـي ما يعارض لـي أجفان
أسهـر بليلـي والقمـر وجهـك الـزين … مِنور حـلو يكسف حيـاء غـادي ألـوان
فينـي من الوجـدان والشـوق حملين … عسـى خفوقـي يشمـله منـك الإحسـان
كلمات: خالد عبدالرحمن
ألحان: خالد عبدالرحمن
1990