like-empty

كلمات

klmat.com

sun

صندوق صغير

صندوق زغير، بردان.. مخبّى بدروة صُوّان
و فيه ورقة غفيت بَين الفلّ .. مقدّر إلها النسيان
مكتوب فيها أيّام .. و خبار من الأحلام
عن قصة عاشق غير الكلّ .. نطقت هيّ الكَلام

يا سطوري .. ضلّي دوري .. كاتبنا صار بعيد
و في وحدة .. سمّاها جوري .. عمنتظر المواعيد
اتذكرْت، اسمي من سنين .. و عيونه المجروحين
يقللي "جوري" ما تنسيني .. ملقانا بفيّ التين

متلُن، حمّل السلاح .. و عكتافه كَوم جراح
قللي حاجة لا تبكّيني .. ودَّعْني، ضمني، و راح
يا سطوري .. ضلّي دوري كاتبنا صار بعيد
و في وحدة .. سمّاها جوري عمنتظر المواعيد

 
like-empty