like-empty

كلمات

klmat.com

sun

سمعت من نادى


سمعت من نادى على راس عالي رجمٍ طويلٍ يدهله كل جرناس 
وانا شراته حرك الشوق بالي في جو عالي مرتفع للسما راس 
الله من طاري بفكرٍ طرالي سيطر على الاحساس عن كل هوجاس 
خذني براس النايف اللي فضالي والافكار من كثر الموازين ترّاس 
جو المحبة والهوى كم صفالي قطفت وردٍ من على الخد نفاس 
لقيت به لي في ركونه مجالي يرتاح به من كان بوقلب حساس 
وجدٍ طرالي والخوالي ذهالي وقدت له من شمع الاحساس نبراس 
واسقيت غرسه من معينٍ صفالي سحرٍ حلال ينير حبره في الاطراس 
لو ينقرا للي همومه ثقالي تنفرج همومه ويصبح بنوماس 
ولو ينكتب ثم ينمحى بالزلالي يشفي الذي في صدره انكال وارجاس 
بي من رسيس الشوق صعب المنالي ما يندرك وصفه وللشوق رسّاس 
وبي من ليالي شحها بالوصالي للي غدالي بين روحي والانفاس 
حسنه مثالي .. آيةٍ في الجمالي عذّب فؤادي وما رحم عذب للعاس 
تذبح عيونه من فتون ودلالي برموش تدمي كنها رماح نكاس 
قلبه من الليعه مريح وسالي وانا بقلبي نار حسرة وهوجاس 
بيني وبين النوم حربٍ سجالي إن جيت اغضّي شفت لهموم حرّاس 
يا كثر أحمالي وطول احتمالي والدهر معروف عنه شدّة الباس 
ولي ما يجاري حادثات الليالي يتعب وكل وقتٍ له اسلوب ولباس
حدٍ بهالدنيا ابد ما يبالي وحدٍ في كل شي له حسابٍ وقياس 
ولكل أمرٍ لو تمادى زوالي لا دامت أفراحٍ ولا دامت أتعاس
الله من طاري بفكرٍ طرالي سيطر على الاحساس عن كل هوجاس 
خذني براس النايف اللي فضالي والافكار من كثر الموازين ترّاس 
like-empty