like-empty

كلمات

klmat.com

sun

سمعت الصوت

سمعت الصوت في لحظه ينادي
وشفت الظل من بعد ونصيته
لقيته واحدٍ طالب ودادي
يبي قربي وانا قربه بغيته

وضعته بالحشا داخل فؤادي
طلبني ماء وبدموعي سقيته
تعاهدنا على الود بوكادي
وبكاني من الغلا وانا بكيته
وزاد الحب في قلبه وزادي
يقول الله عطاني اللي رجيته

وفجأه ابتعد ينوي عنادي
نوا بي شيء والله مانويته

سألته وش بلى قلبك معادي
صحيح الحب بخيانه جزيته
وقفى وابتعد وسط العبادي
يقول الحب يكفي ماخذيته
وصفته بصوت يسمعها البعادي
وقلت الحب قبلك محتريته
وصار الكون في عيوني سوادي
ياليت الغدر من غيره لقيته
like-empty

كلمات رباب

جاري التحميل...