like-empty

كلمات

klmat.com

sun

راعيني

بأمارة ايه بتقول مظلوم .. دايما محروم
وان انا ظالماك؟
وانك علشاني نسيت النوم .. ورضيت اللوم
مُخلص في هواك!

بتقول حبيتك .. بتقول ونسيتك
وبتوصف قلبك مجني عليه
طب قبل ما تظلمني ياريتك
تسألني وتعرف ببعد ليه
دايما تواعدني وتخلف
واعاتبك الاقيك تحلف

توعدني دي آخر مرة
وتروح وتغيب بالمره
طبعك قاسي وبطاوعك
ماعرفش بطاوعك ليه
ليه بأمارة ايه؟


اديني أمارة في صالحك
وانا اصالحك وابقى عليك
ما تكونش بخيل في عواطفك
وراعيني علشان اراعيك
خليك عالدنيا معايا
تصفى وتحلى الأيام
لك لسه مكان جوايا
قرب نحيي الأحلام

انا والأيام يا حبيبي
على شوق نرجع لهواك
ونقول للاحزان غيبي
ونعيش دنيتنا معاك
انا قلبي وعيني مناهم
نرجع اجمل حبيبين
قرب وبلاش تنساهم
على بعدك مش قادرين

دايما تواعدني وتخلف
واعاتبك الاقيك تحلف
توعدني دي آخر مرة
وتروح وتغيب بالمره
طبعك قاسي وبطاوعك
ماعرفش بطاوعك ليه
ليه بأمارة ايه؟
like-empty