ذاك الزمان – بدر العزي

جيت المكان جيته وكان
في خاطري ذاك الزمان
ليته يعود وابلا صدود
ونجدد بوصله عهود

ليته يشوف كل الظروف
اللي على قلبي تلوف
يا ذا الحبيب وش له تغيب
وانا الذي منك صويب

ليلي طويل ما له بديل
ضيعت في دربي الدليل
جرحي دفيين عمره سنين
يالعاشقين الله يعين

ليته يحس بلي احس
او كان من عوقي لمس
ليت العيون اللي تمون
خفت على قلبي الطعون

انا سريت صوبه وجيت

في غير قربه ما شريت
جيته و ابي منه لقى
لكن راح و وش بقى

ليه العمر دونك يمر
ما تدري انك لي عمر
جيت الديار وضح النهار
والجرح نبشنا وثار

ما حس دونك لي شعور
ولاحس من عقبك حضور
كن الوسيعه قت خلت
من ناسها قد كملت

تبقى الوحيد اللي فريد
اللي سكن عرق الوريد
انت الحشيم اللي مقيم
وانت الذي حبي القديم