خوفي عليك – وليد الشامي

ما اخبر الا روحي عن عشقنا والغرام
ايه خايف هالخلايق انها تحسدني فيك
اللي عنده خل مثلك اخذ منه مايلام
لو يسوي مايسوي من كثر خوفه عليك

متصل بعروق قلبي ونابت بصلب العظام
مرتسم في وسط عيني ولا لك بقلبي شريك
الحب بحبنا جميعه مايوصفه الكلام
والحكي اكبر دليل بزحمته من التقيك

مهما هم شافوا علينا من علامات الهيام
ما عرفوا شاللي نكنه لا عليه ولا عليك
يكفي الارواح اتعانق بينها بأحلى سلام
قلبي اللي يطير فرحه لما يلمح ناظريك

غيرتي تدري حبيبي ماهي حيالله كلام
ويل من هو بس يقرب بالخطأ وربي إليك
كل نبضه وكل يوم وكل شهر وكل عام
تبقى وحدك يا حياتي اللي والله اموت فيك

ربي يعلم ان قدرك عندي والله ما يسام
لو تأشر كل عمري ايه ابيعه واشتريك
واطلب الله ياحبيبي ان علاقتنا تدام

باختصار انا احبك حب مايخطر عليك
ملهمي في الحب عندي لك قدر عالي المقام
لو اقدملك هديه روحي شويه عليك