خلاص – رابح صقر

كثير منك الزعل وانت احلم احبابي
وكثير مني الصبر وايامي معدودة
مليت وانا انتظر حبك على بابي
تنام عيني وكف الوصل ممدودة

فقدت وانا احتري تبريرك اعصابي
وشلون اواصل مدام اعصابي مفقوده
معذور لو ماصبرت وعندي اسبابي
واعذارك اللي تقول اليوم مردوده

خلاص ابعد احسن خلاص
بعد هذا الالم اتمنى الخلاص
كثير اللي شفته كثير
لاتشوه ذكريات المحبه خلاص

انت اعرف الناس فيني وانت أدرى بي

وانت الخصم وانت قاضي القلب وشهوده
ارجوك حاول عشاني تنجح غيابي
وحاول تكون العلاقة شوي محدوده

واذا ذكرت الغرام وبالغ إعجابي
تذكر ان المشاعر مالها عوده
ماعاد فيني حبيبي وعندي أسبابي
وكف الوصال قصرت ماهيب ممدوده

خلاص ابعد احسن خلاص
بعد هذا الألم اتمنى الخلاص
كثير اللي شفته كثير
لاتشوه ذكريات المحبه خلاص