تناديك – ماجد المهندس

تناديك رغبات المقابيل .. من الأرض وانتي بالمجرة
تهادي على غصن من الليل .. وتمادي على القلب ومقرة
ترى كل هالدنيا تساهيل .. مادام اننا بنعيش مره
تلدين وتزين التعاليل .. تصدين وتصد المسرة
واناديك ودموعي هماليل .. وفي الصدر تنهيدة وحرة
احبك وماللحب تأويل .. ولاشفت منك الا المضرة

وتمونين ياريم المكاحيل .. على القلب في خيره وشره
اذا جيتي استاهلك بالحيل .. واذا كان ماتبغين حره
فديت الوسيعات المظاليل .. رماح الهلاك المستشره
وخطواتك اللي بالخلاخيل .. لها في الصدر والقلب جره

وسواليفك بكل التفاصيل .. وصوتك بها لله دره
ابي منك ماينهد لي حيل .. على شي مايسوى المبره

وابي صادقات التهاليل .. اذا جيت ابشكي واتشره
من الحظ واشباه الرجاجيل .. وعثرات وقتي المستمره
وطموحاتي الغر المحاجيل .. وخذلانها مع كل كره
اعذل المسا ويطيح قنديل .. واهز الجفن وتطيح قره
واناديك ودموعي هماليل .. وفي الصدر تنهيده وحره
احبك وماللحب تأويل .. وماشفت منك الا المضرة