تدري شكد بجيت – نصرت البدر
تدري شكد بجيت بيوم فركاك
ماظل شي بعيني ومابجيته
حتى الناس كامت تبجي وياي
وعلى حالي الكمر طول لحيته
ملك الموت اجاني مدمع العين
نسخه انطاني من مفتاح بيته
كال ارجع وخلي يصير الي يصير
اذا سألوني اكلهم مالكيته
انته شبيك حبي ماتحن ليش
ملك الموت حن كلبه عليه
كل هذا وبعد مشتاك الك حيل
واني ادري ابد مابيك جيه
من يوم الرحت لليوم صحبان
مايتفاركنه عيني وايديه
ومن كد ما بجيت دموع
تعصرني بعد ماتلكه بيه
علمتك اني – نصرت البدر