بيت الحبايب – كاظم الساهر
اذا ضاع العراق فلا حياة ولاشمس ولا قمر هناك
اهلك وين يابيت الحبايب ؟
شافوا ظيم واتحملوا مصايب
صبر ايوب يشرب من صبرنا
شبيدينا عالزمن الماله صاحب ؟
اهلك وين ياعيني يادادا ؟
جمر انفاس صدرك عالوسادة
ليله جحيم المفارق بلاده
تعال وبوس راس امك ياغالي
اهلك وين بصرة لو رمادي ؟
لو اربيل لو بالناصرية ؟
الحلة الكوت العمارة السماوة ؟
لو تكريت لو بـ سليمانية ؟
من ديالى ولا كربلائي ؟
نجف ودهوك ولا الديوانية ؟
ابن كركوك والموصل ينادي
المهم مكتوب عراقي بالهوية
العراق الحر مبدأنا وابونا
الام بغداد ام كل المذاهب
بإذن الله يجمع شملنا
يابو النهرين ياشيخ الكواكب
(الموال):
رعاك الله ياوطني رعاك
الى اين التفت معي اراك
صديقي بل حبيبي وابن امي
وعطر وسادتي الاولى شذاك
كنوز الارض تعجز ان تساوي
رغيف العز تحملهُ يداك
اذا ضاع العراق فلا حياة
ولاشمس ولا قمر هناك
كلمات: كريم العراقي
ألحان: كاظم الساهر
2010
ايه يعني – كاظم الساهر