like-empty

كلمات

klmat.com

sun

باشل حبك معي

باشل حبك معي بالقيه زادي .. ومرافقي في السفر
وباتلذذ بذكرك في بلادي .. في مقيلي والسمر
وانت عسى عاد باتذكر ودادي
وان كنت تناسيت ياما ناس جم .. مثلك تناسوا الوداد
في خير انته وانا بانلتقي في سعاد

شفنا كما الطير ليهو دوب شادي .. ويعيش فوق الشجر
مابين اغصانها رايح وغادي .. وان هزه الشوق فر
سل عن نشيدي وفني كل وادي
وتخبر العشق مني والبواسل .. والسمر والقتاد
في خير انته وانا بانلتقي في سعاد

يانور عيني ويا بهجة فؤادي .. ع فرقتك مااقدر
مابين عيني وبين النوم بادي .. بيت حليف السهر
ذا ايش من حب احرمني رقادي
ذا ايش من كل ما جيت با نقصه .. ع الوهم زاد
في خير انته وانا بانلتقي في سعاد

اش بايقولون لك عني الاعادي .. كلام ماله آثر
ماقصدهم شي سوى عثرة جوادي .. حاشا على ما عثر
مازلت ماسك على عهدي محادي
وحافظ ودادي وخير الناس لي هم .. يحفظون الوداد
في خير انته وانا بانلتقي في سعاد
like-empty