اوعدك يا من – خالد عبدالرحمن

اوعدك يامن عني تخليت … لابد لك في يوم تحزن بعادي

انا على عهدي وبصدقي تعاطيت … لكنك انت اللي قعطعت ودادي

وش غيرك يوم انا بجد هاويك … كنتَ منى قلبي وكنتَ مرادي

احكي لك بهمسي وبالصوت ادرايك … خوفٍ اجرج احساسك بليا اعتمادي

غلطتك انت حرفت مباديك … وخذاك مني على التوه غادي

لياك ترجع لي وتحكي عذاريك … يكفي انك انت اللي اصبحت بادي

اليوم تضحك وبكره يبكيك … وقتٍ مع الايام تشكي الوحادي

تعرف قدر منهو يحبك ويغليك … امطيع لك مخلص بليا عنادي

ان كان ربي كاتب لك اراضيك … هذا عطا منهو له احنا عبادي

وان كاتب لك بها العمر يشقيك … النار تارث عقب شعلة رمادي

لاعاد تطريني ولاعاد انا اطريك … لامني زادك ولامنك زادي

ماذقتها نار على القلب تكويك … حتى تحس بلوعتي وازدهادي

في خاطري بالحيل قطعت مساعيك … كنك على حلمٍ لفاني برقادي

واليوم مثل الغريب صرت اساويك … اجهل لك الكلمه ولو انك تنادي

انت الظلام وظلمته في حشاويك … اطفيتها شموعٍ كانت لك وقادي

طبعك تبيع اللي من الناس يشريك … اهل القلوب اللي تجدهم مبادي

الله اخذ منك ولكنه معطيك … حسن الجمال وصيغته بازديادي

فيك المرض شخصي ولا من يداويك … مغرور في علتك زود التمادي

ما اظن احاسبك ولا اظن أعاديك … عش في هيامك على الجهل غادي

من سوء حظك عاذلٍ شافها فيك … كل المروه وجدها وجادي

الومك انت ما الوم واشيك … كيف انك بحب العمر به تفادي

انسى زماني وانا بنسى ماضيك … ذنب اقترفته ترى ماهو عادي

اوعدك يامن عني تخليت … لابد لك في يوم تحزن بعادي

انا على عهدي وبصدقي تعاطيت … لكنك انت اللي قعطعت ودادي