الغلا – خالد عبدالرحمن

الله يهنيك بي والله يهنيني … والله يديم الغلا مابيني وبينك

ساعة اشوفك يزين الكون في عيني … واشوف كل المحبة تنطق بعينك

ماظن شي حبيبي عنك يغنيني … كل يوم يكبر بعيني حسنك وزينك

مزيون وصفك وسيد في المزايني … واحب طبعك وطيبة قلبك ولينك

ان غبت عنك دقايق تشتكي بيني … وان غبت عني يصيح الشوق بي وينك

ماقوى فراقك دخيلك لاتخليني … مادام قلبي امانه بس في يدينك

انت بحبك تراك محلي سنيني … يابعد عمري عسى الله يحلي سنينك

بالدينا عندي رضاك ولايكفيني … والله يديم الهنى مابيني وبينك