العيد لو يمر دونك ماعده عيد – ممدوح العضيباوي

العيد لو يمر دونك ماعده عيد
العيد والله يوم جيتك وشوفك
في ذمتي لولا الحيا والمناقيد
جيتك اضمك شوق واحضن كفوفك

في غيبتك ماعندي الا التناهيد
واخايل امزونك واعانق طيوفك
ما عاد عيد دونك ياسيّد الغيد
من يوم مارحلت تعلن كسوفك

هذا شهر فاقدك ارددك ترديد

بين الغلا والشوق صعبه اعوفك
تعال عايدني ومن دون تعقيد
خل المشاعر تكسر اليوم خوفك

خذني مابين إيديك يافارع الجيد
بعيش لذات الهوى في كفوفك
تدري متى يصير عند ممدوح العيد
لحظة تعايدني وحضنك وشوفك