like-empty

كلمات

klmat.com

sun

الخط مشغول

تايه و من كثر التفاكير مذهول
تبغا الصراحه ما عرفت الصراحه
يوم اتصل بك تعطي الخط مشغول
واقعد على اعصاب السهر ماشراحه

وعند اتصالك في من رقم مجهول
يترك لك الصدر الجنوبي مساحه
اغيب عن واقع حياتي على طول
يسبح خيالي لو ماجيد السباحه

لو كنت مثلك بيسقط الذنب وتحول
من دونه ابيات الغزل والفصاحه
عذرك يجيب احساس راقي ومعسول
يا ربي تسعد لي مساه و صباحه

ما اقول لو ماهو بممكن ومعقول
قلبي يسامح لو رفضت السماحه
من بعد حول راح في ساقته حول
كن المحبه في نظرك استراحه

ترتاح معها وقت واوقات مفصول
عن سيرة الحب وليالي كفاحه
هدمت حلم كان ناصع ومجمول
توشحت بيض النوايا وشاحه

ماعاد للمعاذر قيمه ومفعول
اليوم يفشل بعد ما اثبت نجاحه
وصلت معك الباب مغلق ومقفول
سجين بالي مل واطلق سراحه

الصبر رحلته على نعش مقتول
والضيق في صدري يرفرف جناحه
واكتب على ذكرى تماديك لا حول
طير الفلاحه البعد طير فلاحه
like-empty

كلمات عبدالله ال مخلص

جاري التحميل...